پشتەوەی پەردەی دەنگۆی تێرۆری " ڤلادێمیر پووتین " چیە ؟

پەیامی کورد   ...  پشتەوەی پەردەی دەنگۆی تێرۆری " ڤلادێمیر پووتین " چیە ؟

لە چەند کاتژمێر پێسەوە ژمارەیەک لە بڵاوکراوەکانی بەریتانیایی لەوانەش بڵاوکراوەی سەن و دەیلی ستار ڕایانگەیاند کە ڤلادێمیر پووتین سەرۆککۆماری ڕووسیا لە تێرۆرێکی ناسەرکەوتووانە گیانی ساغی دەربردووە .

هەندێک تەنانەتی ڕایانگەیاندووە کە پووتین لە ناو ئۆتۆمبێلەکەی بووە کە لە لایەن بۆمبێکەوە هێرشی کراوەتە سەر بەڵام گیانی ساغی بەدەر بردووە .

لە هەمان حاڵدا " ئۆڵگا لاتمەن " ڕۆژنامەنووس و شرۆڤەکاری تایبەتی بابەت گەلی کرێملین هەواڵی تێرۆر کردنی ڤلادێمیر پووتین ی ڕەت کردەوە و بە درۆی خستەوە .

ئەم ڕۆژنامەنووسەی دانیشتووی نیۆیۆرک دەنگۆی تێرۆری ڤلادێمیر پووتینی بە کەناڵێکی تێلێگرامی سەر بە دەزگای هەواڵگری ڕووسیا وە گرێ داوە و بە تانەوە نووسیویەتی کە ئەم کەناڵە تێلێگرامییە تاکوو ئێستا ١٠ جار پووتین ی کوشتووە .

لاتمەن هەروەها ئاماژەی کردووە ، سەبارەت بە بڵاوکردنەوەی هەواڵیک کە هیچ سەرچاوەیەکی نییە و دەیانەوێت ترس بەدی بهێنن ئاگادار بن .