پەردەلادان لە سەر یەکەمین فڕۆکەی بێفڕۆکەوانی سێ بۆعدی لە ئیسرائیل

پەیامی کورد     ...   پەردەلادان لە سەر یەکەمین فڕۆکەی بێفڕۆکەوانی سێ بۆعدی لە ئیسرائیل 

ناوەندی گەیاندنی زانیاری فەلەستی هەواڵ لە پەردەلادان لە سەر یەکەمین فڕۆکەی بێفڕۆکەوانی سێ بۆعدی لە ئیسرائیل دەدات .

بە پێی ڕاپۆرتێک کەناڵی تەلەفزیۆنی ١٣ ی ئیسرائیل ڕایگەیاند : کە ئەرتەشی ئەم ووڵاتە بە شێوەی کاتی ئەم فڕۆکەیەی " سکای پرینتێر " ناو لێناوە .

کەناڵی ناوبراو جەختی کردەوە کە ئەمە یەکەمین فڕۆکەیە لەم جۆرە کە ئیدارەی پەرەپێدانی چەکگەلی " مفئات " سەر بە وەزارەتی شەڕی ئیسرائیل بۆ هاوکاری پیشەسازی ئاسمانی ئەم ووڵاتە ئەوەیان دیزاین و درووست کردووە .

یەکێک لە دیزانەرانی ئەم فڕۆکەیە ڕایگەیاند کە ئەم جۆرە فڕۆکانە دەتوانرێ لە ماوەی چەند کاتژمێردا و بە تێچوویەکی زۆر کەم بەرهەم بێنن . بەرزایی ئەم فڕۆکەیە ١.٦٥ مەتر و درێژی باڵەکانی ١.٥٠ مەترە . ئەم فڕۆکەیە هەروەها توانایی هەیە کەل و پەلی بە کێشی ٧ کیلۆگرام هەڵبگرێت .

سەرچاوەی ئاماژەپێکراو جەختی کردەوە کە دەتوانرێ لە سەر ئەم فڕۆکانەدا کامێرا جێگیر بکەن و فڕۆکەکە بکەن بە فڕۆکەی سیخوڕ و لەم فڕۆکەیە بە شێوەی تاکتیکی کەڵک وەربگرن