ئەمریکا بڕی یەک ملیار دۆلار یارمەتی سەربازی بۆ ئۆکراینا دەنێرێت

پەیامی کورد... ئەمریکا بڕی یەک ملیار دۆلار یارمەتی سەربازی بۆ ئۆکراینا دەنێرێت

وتەبێژی کاربەڕێکەری وەزارەتی بەرگری ئەمریکا تۆد بریسیل دەڵێت ئەمریکا بە بڕی ١ ملیار دۆلار یارمەتی ئاسایش بۆ ئۆکراینا دابین دەکات، یارمەتییەکە بریتی دەبێت لە تەقەمەنی چەکە مەودا درێژەکان و ئۆتۆمبێلە زرێپۆشەکانی گواستنەوەی تەندروستی.

ئاژانسی ڕۆیتەرز بڵاوی کردەوە، تاوەکوو ئێستا و لە سەرەتای داگیرکارییەکەی ڕووسیاوە ئەمریکا بڕی ٨.٨ ملیار دۆلاری بۆ یارمەتی سەربازیی ئۆکراینا تەرخان کردووە، یارمەتییەکەی ئەمجارەش تەقەمەنی سیستەمی مووشەکی هیمارس و سیستەمی مووشەکی دژە ئاسمانی ناسامس و ٥٠ ئۆتۆمبێلی زرێپۆشی گواستنەوەی تەندروستیش لەخۆدەگرێت.