سەربازانی خانەنشین کراوی کۆڵۆمبیایی دەستیان لە تێرۆری سەرۆککۆماری هائیتی دا هەبووە

پەیامی کورد      ...    سەربازانی خانەنشین کراوی کۆڵۆمبیایی دەستیان لە تێرۆری سەرۆککۆماری هائیتی دا هەبووە .

ئاشکرا بوو زۆربەی ئەندامانی گرووپی تێرۆری جووئینێل مۆیز ، سەرۆککۆماری هائیتی ، سەربازانی خانەنشین کراوی کۆڵۆمبیایی بوونە .

بە پێی ڕاپۆرتێک ئەم بابەتە لە لایەن دیێگۆ مۆلانۆ ئاپۆنتێ ، وەزیری بەرگری کۆڵۆمبیاوە لە ووتارێکدا ڕایگەیاند و هەژماری تایبەتی خۆی لە تویتەری ئەم وەزارەتخانەیەدا بڵاوی کردووەتەوە .

دیێگۆ مۆلانۆ ئاپۆنتێ  ، لە پەیوەندی لەگەڵ تێۆری جووئینێل مۆیز  سەرۆککۆماری هائیتی ئەمڕۆ بە شێوەی فەرمی داوای لە پۆلیسی ئینتەر پۆل کردووە زانیاری لە دەوڵەتی کۆڵۆمبیا و پۆلیسی نیشتیمانی سەبارەت بە بکەرانی ئەم ڕووداوە ڕادەست بکات . زانیارییە سەرەتاییەکان نیشان دەدەن کە ئەوان هاووڵاتی کۆڵۆمبیا و ئەندامانی خانەنشین کراوی ئەرتەشی نیشتیمانین.

وەزارەتی بەرگری کۆڵۆمبیا فەرمانی بە پۆلیس و ئەەرتەشی ئەو ووڵاتە کردووە تاکوو لە لێکۆڵینەوەکان دا هاوکاری بەپەلەی دەوڵەتی هائیتی بکەن .

پێشتر نیهادگەلی سەربازی و نیزامی هائیتی هاووڵاتی بوونی ٢٨ ئەندامی گرووپێک کە سەرۆککۆماری ئەو ووڵاتەیان تێرۆر کردووە ئاشکرا کردووە . گرووپی خائین بریتی لە ٢٦ هاووڵاتی کۆڵۆمبیایی و ئاشکرا بووە دوو ئەندامی دیکەی ئەم گرووپە هاووڵاتی هائیتی بوونە و تاکوو ئێستا لە کۆی گشتی ١٧ کەس لە ئەندامانی ئەم گرووپە بکوژە دەست بەسەر کراون .