شەڕڤانان لە عەفرین كوژران و برینداربوونی 5 چەكداری میلیشیاكانی سوریایان ڕاگەیاند

یەكینەكانی پاراستنی گەل كوژران و برینداربوونی 5 چەكداری میلیشیا سورییەكانی هاوپەیمانی توركیایان لە عەفرین ڕاگەیاند و ناسنامەی 7 شەهیدیشیان ئاشكرا كرد.
ناوەندی راگەیاندی یەكینەكانی پاراستنی گەل بڵاویكردەوە كە شەڕڤانان لە گوندی كەفر سەفرەی سەر بە ناحیەی جندرێس چالاكییەكی تایبەتیان لە دژی میلیشیا سورییەكانی هاوپەیمانی توركیا ئەنجام داوە و لە ئاكامدا 3 چەكدار كوژراون و دووانی دیكەش بریندار بوون.
لەلایەكی دیكەشەوە یەپەگە ناسنامەی حەوت شەڕڤانی ئاشكرا كرد كە لەكاتی بەرگریكردن لە شاری عەفرین شەهید بوون.
ڕوونیشیكردەوە كە دووان لە شەهیدەكان فەرماندەی یەكینەكانی شەڕڤانان بوون و لەماوەی دوو مانگی بەرگریكردن لە عەفریندا زیانی زۆریان بە هێزەكانی توركیا و گروپە چەكدارەكان گەیاندووە.