شەڕڤانانی یەپەگە : ڕیز لە بڕیاری ئاگربەستی سووریا دەگرین

فەرماندەی گشتی  یەكینەكانی پاراستنی گەل " یەپەگە " ڕایگەیاند، ئەوان پاپەند دەبن بەرامبەر بڕیارەكەی ئەنجومەنی ئاسایشی نێودەوڵەتی سەبارەت بە بڕیاری ئاگربەست لە سووریا، بەڵام بەرامبەر هەر هێرشێكی سوپای توركیا و گرووپە چەكدارەكان بەرگری دەكەن.

لە بەیاننامەكەدا فەرماندەی گشتی  یەكینەكانی پاراستنی گەل " یەپەگە "  ڕایگەیاندووە، "شەڕڤانان ڕێز لە بڕیاری ئەنجومەنی ئاسایش دەگرن سەبارەت بە ناردنی هاوکاری و پێداویستی تەندرووستی بۆ ناوچە گەمارۆدراوەكانی سووریا".

هەروەها ئاماژە بەوەشكراوە، "وەك هێزەكانی پاراستنی گەل " یەپەگە " داوا لەسەرجەم هێز و لایەنەكانی سووریا دەكەین ڕێز لە بڕیارەكە بگرن سەبارەت بە بڕیاری ئاگربەست لە سووریا و ڕزگاركردنی گەمارۆدراوانی ناوچەكانی شەڕ".

بە پێی بڕیاری ژمارە 2401 ئەنجومەنی ئاسایشی نێودەوڵەتی لە 24ی ئەم مانگە بڕیاری ڕاوەستانی شەڕ بۆ ماوەی 30 ڕۆژ لە سووریا بە كۆی دەنگی ئەندامانی پەسەندكرد