گەشتە ئاسمانییەکانی نێوان تورکیا و عێراق دەست پێدەکەنەوە

پەیامی کورد ... گەشتە ئاسمانییەکانی نێوان تورکیا و عێراق دەست پێدەکەنەوە

دەسەڵاتی فڕۆکەوانی تورکیا رایگەیاند، سبەینێ هەینی ٢٥ی ئەیلوول، گەشتە ئاسمانییەکانی نێوان تورکیا و عێراق دەست پێدەکەنەوە.

دەسەڵاتی فرۆکەوانی شارستانی تورکیا راگەیەنراوێکی بڵاوکردەوە و ئەوە هاتووە، "لە سبەینێ هەینییەوە هێڵی ئاسمانی تورکیا گەشتەکانی بۆ عێراق دەستپێدەکاتەوە و هەفتانە چوار گەشت ئەنجامدەدرێت."

ئەوەش خراوەتەڕوو، "رێگە بە کۆمپانیا تورکییەکان دەدرێت گەشتەکانیان بۆ فرۆکەخانەکانی عێراق دەستپێبکەنەوە."

ئاماژە بەوەشکراوە، "رێگە بە هێڵی ئاسمانی عێراقیش دەدرێت گەشتەکانی بۆ فڕۆکەخانەکانی تورکیا دەستپێبکاتەوە."