وەزارەتی ئابووری و دارایی خشتەیەکی نوێی مووچەی هەندێک لە وەزارەت و دەزگاکانی ڕاگەیاند

لەم ھەفتەیەدا وەزارەتی دارایی و ئابووریی حکوومەتی ھەرێمی کوردستان، مووچەی ژمارەیەک وەزارەت دابەش دەکات.

ئەمڕۆ یەکشەممە ٩ی ٩ی ٢٠١٨، مووچەی وەزارەتی پەروەردەی حکووتی ھەرێمی کوردستان دابەش دەکرێت.

سبەی دووشەممە ١٠ی ٩ی ٢٠١٨، مووچەی وەزارەتەکانی تەندرووستی و دارایی و ئابووری حکوومەتی ھەرێمی کوردستان دابەش دەکرێت.

دواتر لە ڕۆژی چوارشەممە ١٢ی ٩ی ٢٠١٨، مووچەی ھەریەک لە کەسوکاری شەھیدان و ئەنفالکراوان و زیندانییانی سیاسی، وەزارەتی کاروباری شەھیدان و ئەنفالکراوان لەگەڵ وەزارەتی خوێندنی باڵا دابەش دەکرێت.

بریاریشە وەزارەتی دارایی لە ڕۆژی پێنجشەممە ١٣ی ٩ی ٢٠١٨، مووچەی ئەنجومەنی دادوەری و وەزارەتی داد، وەزارەتی ئەوقاف و وەزارەتی سامانە سرووشتییەکان دابەش بکات.

دابەشنەکردنی مووچە لە ڕۆژی سێشەممە ١١ی ٩ی ٢٠١٨ بۆ پشووی فەرمی دەگەڕێتەوە کە بەھۆی یەکی موحەرەم، سەری ساڵی کۆچییەوە ڕاگەیندراوە.