لە شارەزوور 400 دۆنم گەنمی جوتیاران سوتا

پەیامی کورد... لە شارەزوور 400 دۆنم گەنمی جوتیاران سوتا

پۆلیسی دارستانی سلێمانی رایدەگەیەنێت، لەسنووری شارەزوور، بەهۆی ئاگرکەوتنەوەوە نزیکەی 400 دۆنم لە گەنمی جوتیاران سوتا و تا ئێستا هۆکاری ئاگرەکەشی نەزانراوە.

لە راگەیەندراوی بەڕێوەبەرایەتیی گشتیی پۆلیسی دارستان و ژینگەی سلێمانیدا ئاماژە بۆ ئەوە دەكات، ئاگر لە گوندی کانی بەردینەی سنووری شارەزوور کەوتەوە و دوای گەیشتنی تیمەکانیان لە ماوەیەکی کەمدا ئاگرەکە کۆنترۆڵکراوە.

ئەوەشی خستوەتەڕوو: نزیکەی 400 دۆنم لە گەنمی جوتیارانی سنوورەکە سوتا، تا ئێستا هۆکاری کەوتنەوەی ئاگرەکە نەزانراوە و لێکۆڵینەوە لەوبارەیەوە بەردەوامە .