تەرمی ١٣٠٠ داعش لە شاری مووسڵ لە لایەن هێزە عێراقییەکانەوە دۆزرایەوە

سوپای عێراق ڕایگەیاند لەو کاتەی کە شاری مووسڵ لە دەست ڕێكخراوی تیرۆریستی داعش ڕزگار بووە  لە ساڵی ڕابردووە تا ئێستا ، هێزە عێراقییەكان تەرمی 1300 چەكداری تیرۆریستی داعشیان لەو شارەدا دۆزیوەتەوە.

لەمبارەیەوە محەمەد بەجاری عەمیدی سوپای عێراق لە مووسڵ ڕایگەیاند لەنێو ئەو تەرمانەی داعشدا، ڕێژەیەكی زۆر لە سەركردە و ئەمیری ڕێكخراوە تیرۆریستیەكە و كارمەندانی دەوڵەتی تیرۆریستی داعش هەن.

هەروەها دووپاتی كردەوە كە تەواوی تەرمەكانی تیرۆریستانی داعش یەك لەدوای یەك لە گۆڕ نراون و شاردراونەتەوە، ئەمەش دوای دابینكردنی قەبرستانێكی تایبەت لە ناوچەیەكی دوور لە ڕۆژئاوای شاری مووسڵ.