ئەمریکا: یەکێک لە موشەکە بالستییەکانی ئێران کە ئاڕاستەی ئیسرائیل کرا، لە ھەولێر خرایەخوارەوە

وەزارەتی بەرگری ئەمریکا "پەنتاگۆن": فڕۆکە جەنگییەکانی ئەمریکا بەشدارییان کردووە لە خستنەخوارەوەی زیاتر لە 80 فڕۆکەی بێفڕۆکەوانی ئێران، کە بەڕێگاوەبوون بۆ ئیسرائیل.

باسی لەوەشکرد، زانیاری دیاریکراومان لەبارەی کات و شوێنی ھێرشەکەی سەر ئیسرائیلەوە لەلایەنی ئێرانی وەرنەگرتووە، بەڵام ھەواڵگرییەکی بەھێزمان ھەیە.

ئاماژەی بەوەشکرد، ئەمریکا ھەوڵ بۆ ململانێ لەگەڵ ئێران نادات و جەنگێکی بەرفراوانترمان لە ناوچەکە ناوێت، بەڵام ھەموو رێوشوێنکی پێویست دەگرینەبەر بۆ پاراستنی ھێزەکانمان، ئیسرائیل خۆی بڕیاردەدات لەوەی ئایا وەڵامی ھێرشەکەی ئێران دەداتەوە یان نا، بەڵام ئێمە توندبوونەوەی بارودۆخەکەمان ناوێت و رێگری لێدەکەین.

ئەوەشی خستەڕوو، یەکێک لە موشەکە بالستییەکانی ئێران کە ئاڕاستەی ئیسرائیل کرا، لە ھەولێر خرایەخوارەوە، ئێران سەلماندی توانای ھەیە ھێرش بکات، لەوانە ھێرشی موشەکی و فڕۆکەی بێفڕۆکەوان.