شتاین مایەر لە ئەگەری شەڕ لەگەڵ ئێران هۆشداری دەدات

فرانک واڵتێر شتاین مایەر ، سەرۆککۆماری ئەڵمانیا ، ئاڵۆگۆڕییەکانی نێوان ووڵاتانی ئەورووپا و ئەمریکا سەبارەت بە بابەتە ئابوورییەکانی ئێران و بە تایبەتی بەرنامەی ئەتۆمی ئێران نیگەرانی خۆی ڕاگەیاند .

واڵتێر شتاین مایەر کە پێشتر وەزیری دەرەوەی ئەڵمانیا بوو ، یەکیک بووە لە ڕاوێژکارانی ڕێکەوتنی ئەتۆمی ووڵاتانی زلهێز لەگەڵ ئێران .

شتاین مایەر دەڵێت : ئێستا کاتی ئەوە هاتووە ئەڵمانیا تۆزێک سەربەخۆتر و دوور لە کاریگەرییەکانی ئەمریکا سیاسەت بکات لە بابەتە جیهانییەکاندا و بە باشی ئەرکی نێودەوڵەتی خۆی بە جێ بگەینێت .

سەرۆککۆماری ئەڵمانیا لە چاوپێکەوتنێکیدا لەگەڵ تەلەفیزیۆنی " " نیگەرانی خۆی سەبارەت بە گۆڕانکارییەکانی نێوان ئەورووپا و ئەمریکا نەشاردەوە و ووتی : لە کاتی هاتنی ترامپ پەیوەندییەکانی ئەمریکا و ئەورووپا ئاڵوگۆڕییەکی زۆری بە سەردا هاتووە .

شتاین مایەر هەروەها ئاماژە بەوە دەکات کە ترامپ ووڵاتانی ئەورووپایی  بە هاوپەیمان و بەشێک لە کۆمەڵگای نێودەوڵەتی هەژمار ناکات

لە درێژەی قسەکانیدا دەلێ ئەگەر ئەو ڕێکەوتنە تێکبدرێت و ووڵاتانی ڕۆژهەڵاتی ناوەڕاست هەوڵی بە دەست هێنانی چەکی ئەتۆمی بدەن ئەوە دڵنیا بن کە شەڕێکی گەورە ڕوودەدات هەروەها چیتر ڕۆژهەڵاتی ناوەڕاست توانای شەڕێکی دیکەی نییە