دادگایهكی تایبهت بهم کەرتە دەکرێتەوە
پەیامی کورد ... دادگایهكی تایبهت بهم کەرتە دەکرێتەوە
ئهنجوومهنی دادوهری ههرێمی كوردستان بڕیاریدا لهسهرجهم دادگا بهراییهكاندا دادگایهكی تایبهت به بازرگانی بكرێتهوه، یهكێك له ئهركهكانی ئهم دادگایهش یهكلا كردنهوهی ئهو ناكۆكیانه دهبێت كه پهیوهسته به گرێبهستهكانی وهبهرهێنان.
بهگوێرهی ڕاگهێندراوێكی وهزارهتی بازرگانی و پیشهسازی، پاش ههوڵ و داواكاری بهردهوامی وهزارهتی بازرگانی و پیشهسازی بۆ كردنهوهی دادگای تایبهتی بازرگانی، بهپێی نووسراوی فهرمی ئهنجوومهنی دادوهری كه له بهیانی ژماره (١)ی ساڵی ٢٠٢٢، دهرچووه بڕیاردرا له سهرجهم دادگا بهراییهكاندا دادگای تایبهت به بازرگانی بكرێتهوه.
ههر بهگوێرهی ڕاگهێندراوهكه له بهر بهرژوهندی گشتی و به پشت بهستن به حۆكمی مادده ٢٢ له یاسای دهسهڵاتی دادوهری ژماره ٢٣ ساڵی ٢٠٠٧ بڕیاردراوه به پێكهێنانی دادگای بهرایی له ههر چوار ناوچهكانی تێههڵچوونهوه له (ههولێر، سلێمانی، دهۆك، كهركوك و گهرمیان)، به ناوی (دادگای بهرایی تایبهت به بینینی داواییهكانی بازرگانی).
بهپێی بڕیارهكه دادگای بازرگانی تایبهت دهبێت به بینینی ئهم داواكاریانه:
١-داواكانی بازرگانی كه یهكێك له لایهنهكانی داوا بیانی بێت.
٢- ئهو ناكۆكیانهی پهیوهسته به گرێبهستهكانی وهبهرهێنان كه مووڵهتیان لهلایهن دهستهی وهبهرهێنان وهرگرتووه به پێی یاسای وهبهرهێنان ژماره ٤ی ساڵی ٢٠٠٦ له ههرێمی كوردستان.
٣- ئهو داوایانهی پهیوهستن به هێما بازرگانییهكان (العلامات التجارية).
٤- دادوهری به پهله و فهرمان لهسهر داواكارییهكان (القضاو المستعجل و الَاوامر علي العرائض)، تایبهت بهو بابهتانهی پهیوهندییان بهو تایبهتمهندیهكانی كه له بڕگهی (١و ٢و٣)ی سهرهوه هاتوه.
هەواڵە گرنگەکان
هەواڵە پەیوەندیدارەکان
- 25 مارس 2025
هێشتا لێدوان نییە. یەکەمین لێدوان بنووسە!
لێدوانی خۆت بنووسە