دەوامی فەرمانگە حکوومییەکان ڕادەگیرێت

پەیامی کورد    ...   دەوامی فەرمانگە حکوومییەکان ڕادەگیرێت

سەرۆكی ئەنجوومەنی پارێزگای ھەولێر رایگەیاند، بە ھۆی ئەوەی نەخۆشیی كۆرۆنا زۆر بڵاو بووەتەوە و چوار بەڕێوبەری ئیداری لە هەولێر تووش بوونە، داوامان كردووە تا دۆخەكە ئاسایی دەبێتەوە، دەوامی فەرمانگە حكوومییەكان رابگیرێت.

عەلی ڕەشید، سەرۆكی ئەنجوومەنی پارێزگای ھەولێر ووتی: "بە ھۆی بڵاوبوونەوەی نەخۆشی كۆرۆنا لە ھەرێمی كوردستان و زیادبوونی حاڵەتەكە، رێكارەكان تووندتر كراون، چوونكە جگە لە خەڵك، بەرپرسە ئیدارییەكانیشمان تووش بوونە".

ڕەشید ووتیشی: "ھەر یەكە لە سەرۆكی شارەوانی ھەولێر و دوو جێگر و بەڕێوبەری ژینگە پارێزی ھەولێر و ڕەنگە دوو بەڕێوەبەری دیكش تووشی ئەو نەخۆشییە بووبن".

ناوبراو باسی لەوەش كرد: پێشنیازمان كردووە دەوامی فەرمانگە حكوومییەكان ٩٥% رابگیرێت و دەوامی فەرمانگە خزمەتگوزارییەكانیش بۆ ٣٠% كەم بكرێتەوە، ئێستاش چاوەڕێ دەكەین ووڵامی ئەرێنی بۆ داواكاری ئێمە ھەبێت، چوونكە دوێنێ ئێمەش پشكنینی خۆمان كرد".