گازی ڕووسیا جارێکی دیکە دەگاتە ئەورووپا

پەیامی کورد   ...  گازی ڕووسیا جارێکی دیکە دەگاتە ئەورووپا

ئۆپێراتۆری نۆرد ستریم ڕایگەیاند ئەم خاڵە بۆڕییە بە پێی بەرنامە لە دوای داخران بۆ ماوەی ١٠ ڕۆژ جارێکی دیکە خراوەتەوە ڕێ .

بە پێی ڕاپۆرتی دۆیچێ ڤێلێ ، ڕاگواستنی گاز لە ڕێگای ئەم خاڵە بۆڕییەوە بۆ ماوەی ١٠ ڕۆژ ڕاگیرابوو .

دەوترا ئەم ڕاگیرانە لە ڕاگواستن بە هۆی چاکسازی لە پارچەکانیدا بووە ، بەڵام هەندێک لە بەرپرسانی ئەورووپایی ڕایانگەیاندبوو ئەم نیگەرانییە بوونی هەیە کە ئایا مۆسکۆ بڕیاری ڕاگواستنی سەر لە نوێی گاز ەکە دەدات یا خود نا .

خاڵی بۆڕی نۆرد ستریم ١ لە باکووری سەنت پێتێرزبۆرگ ەوە لە ڕووسیاوە دەست پێدەکات و لە وێستگەیەک لە کەنارئاوی باکووری دەریای باڵتیکی ئاڵمانیا بە کۆتا دەگات .