بەهۆی گۆڕانکارییەکانی کەشوهەواوە %41ی خاکی عێراق بووە بە بیابان

پەیامی کورد... بەهۆی گۆڕانکارییەکانی کەشوهەواوە %41ی خاکی عێراق بووە بە بیابان

ئەمڕۆ پێنجشەممە7ی کانونی یەکەم، وەزارەتی پلاندانانی عێراق ڕایگەیاند، %41ی خاکی ئەو وڵاتە بەهۆی گۆڕانکارییەکانی کەشوهەواوە بەبیابان بووە.

زیا عەواد، سەرۆکی دەزگای ناوەندی بۆ ئامار لە وەزارەتی پلاندانانی عێراق لە لێدوانێکی ڕۆژنامەوانیدا ئاشکرایکرد،” لە توێژینەوەیەکدا لەبارەی دۆخی کشتوکاڵ و ئاو لە عێراق دەرکەوتووە، نزیکەی %41.89ی ڕووبەڕووی زەوی عێراق بەبیابان بووە”.

ئاماژەی بەوەکرد، ڕووبەری ئاو بەڕێژەی %1.25 لەسەر ڕووبەری زەوی عێراق کەمیکردووە.

ڕوونیکردەوە، زەوییە کشتوکاڵییە جێهێڵراوەکان دووەم گەورەترین ڕووبەرە بەڕێژەی %22.21، کە جوتیاران ڕووبەڕووی کەمی ئاو، خراپی خاک و کەمی پێداویستی کشتوکاڵی بوونەتەوە و بەناچاری دەستبەرداری پیشەکەیان بوون.