مەسرور بارزانی و جینین بلاسخارت پرۆسەی سیاسی و دۆخی گشتی عێراقیان تاوتوێ کرد

پەیامی کورد... مەسرور بارزانی و جینین بلاسخارت پرۆسەی سیاسی و دۆخی گشتی عێراقیان تاوتوێ کرد


سەرۆکی حکوومەتی هەرێمی کوردستان پێشوازی لە جینین هێنیس-پلاسخارت نوێنەری تایبەتی سکرتێری گشتیی نەتەوە یەکگرتووەکان لە عێراق کرد.

ئەمڕۆ دووشەممە 31/10/2022، مەسرور بارزانی، سەرۆکی حکوومەتی هەرێمی کوردستان پێشوازی لە جینین هێنیس-پلاسخارت نوێنەری تایبەتی سکرتێری گشتیی نەتەوە یەکگرتووەکان لە عێراق کرد و لە دیدارەکەدا گفتوگۆ دەربارەی پرۆسەی سیاسی و دۆخی گشتی عێراق پاش دەستبەکاربوونی حکوومەتی نوێ کرا.

سەرۆکی حکوومەتی هەرێمی کوردستان جەختمان لەوە کردەوە، کە پێویستە هەموو لایەنەکان پشتیوان بن بۆ سەرخستنی کارنامەی حکوومەتی نوێ، بۆ ئەوەی بتوانێت بەبێ جیاوازی خزمەتی گشت هاووڵاتییان و پێکهاتەکانی عێراق بکات و کێشە هەڵپەسێردراوەکانی نێوان هەرێمی کوردستان و حکوومەتی فیدراڵی بەپێی دەستوور چارەسەر بکات.

هەروەها چاکسازییەکانی کابینەی نۆیەم، بەتایبەتی پرۆسەی بنیاتنانی ژێرخانێکی دیجیتاڵی لە هەرێمی کوردستان، بەشێکی دیکەی گفتوگۆکان بوو.