هاتووچۆی هه‌ولێر قه‌ده‌غه‌كراوه‌كانی بانگه‌شه‌ی هه‌ڵبژاردنی راگه‌یاند

راید " فازل حاجی " گوته‌بێژی پۆلیسی هاتووچۆی هه‌ولێر، ڕاگه‌یاند: ئێمه‌ وه‌ك به‌ڕێوه‌به‌رایه‌تی پۆلیسی هاتووچۆی هه‌ولێر كۆمه‌لێك رێ و شوێنی پێویستمان گرتۆته‌ به‌ر بۆ رێگه‌ گرتن له‌ هه‌ر سه‌رپێچییه‌كی بانگه‌شه‌كاران و حیزب و قه‌واره‌ سیاسییه‌كان له‌ هه‌ڵمه‌تی بانگه‌شه‌ی هه‌ڵبژاردنه‌كان تا بانگه‌شه‌كان به‌ شێوازێكی مۆدێرن و شارستانیانه‌ به‌ڕێوه‌ بچن.

راشیگه‌یاند: ئه‌مانه‌ی خواره‌وه‌ قه‌ده‌غه‌كراوه‌كانی بانگه‌شه‌ی هه‌ڵبژاردنن كه‌ په‌یوه‌ندیان به‌ به‌رێوه‌به‌رایه‌تییه‌كه‌ی ئێمه‌وه‌ هه‌یه‌

1. هه‌لواسینی وینه‌ی كاندیده‌كان به‌هێماكانی هاتووچۆ و ترافیك لایته‌كان به‌شێوه‌یه‌ك كه‌ببێته‌ هۆی شاردنه‌وه‌یان یان شاردنه‌وه‌ی به‌شێكیان.
2. دانانی وێنه‌ی كاندیده‌كان له‌دوورگه‌ی ناوه‌ندی شه‌قامه‌كان به‌شێوه‌یه‌ك كه‌ببێته‌ هۆی شاردنه‌وه‌ی به‌شیكی شه‌قامه‌كه‌ یان شاردنه‌وه‌ی شوینی پێچه‌كان.
3. هه‌ڵواسینی وێنه‌ی كاندیده‌كان و لۆگۆی قه‌رواره‌و حیزبه‌كان به‌ تابلۆی ئوتومبیله‌كان وجامه‌كانی ئوتومبیل.
4. ریكخستنی كه‌رنه‌ڤاڵی بانگه‌شه‌ی هه‌لبژاردن به‌كۆمه‌لیك ئوتومبیل له‌شه‌قامه‌كان و داخستنی شه‌قامه‌ سه‌ره‌كیه‌كان.

ڕاشیگه‌یاند: هه‌ر كاندید قه‌واره‌یه‌ك له‌م رینماییانه‌ لابدات توشی لێپیچینه‌وه‌ ده‌بێت، وه‌ له‌دوای لابردنی سه‌رپێچیه‌كه‌ی سكالای یاساییشی له‌دژ تۆمارده‌كریت له‌كۆمیسیۆنی بالای هه‌لبژاردنه‌كان بۆسزادانی.