بە بەهای ٨ میلیارد دینار چەند پڕۆژەیەك لە سنووری دهۆك جێبەجێ دەكرێن

پەیامی کورد    ...    بەڕێوبەری گشتی شارەوانییەكانی دهۆك ڕایدەگەینێت، لەگەڵ باشتربوونی دۆخی ئابووری كوردستان، چەند پڕۆژەیەك لە سنووری دهۆك جێبەجێ دەكرێن و تێیاندا دەست بە كاركردن كراوە.

ئەندازیار دیار بەحری، بەڕێوبەری گشتی شارەوانییەكانی دهۆك ڕایگەیاند: "بە بەهای زیاتر لە هەشت ملیار دینار لە ئێستادا سێ پرۆژە لە سنووری شارەوانییەكانی دهۆك دەستیان پێكردووەتەوە و لە قۆناغی جێبەجێكردندان، لەوانەش ئاوی پڕۆژەی قورس بە بەهای (500) هەزار دۆلار، پرۆژەی رێگای فایدە- دۆمیز بە بەهای یەك ملیار و 500 ملیۆن دینار، لەگەڵ درووستكردنی دوو ئەندەرپاس لە ناوچەی سێمێل كە بەهاكەی زیاتر لە شەش ملیار دینارە". 

بەحری، ئاماژەی بەوەش دا، چەند پڕۆژەیەكی دیكەی خزمەتگوزاری لە تەندەریندان و لە ماوەكانی داهاتوودا دەكەونە كار.