سەرۆك بارزانی لەگەڵ ئەندامانی فڕاكسیۆنی پارتی لە خولی چوارەمی پەرلەمانی كوردستان كۆبووەوە

پەیامی کورد   ...    ئەمڕۆ شەممە 28ـی 9ـی 2019 لە سەلاحەددین سەرۆك مەسعوود بارزانی لەگەڵ ئەندامانی فڕاكسیۆنی پارتی دیموكراتی كوردستان لە خولی چوارەمی پارلەمانی كوردستان كۆبۆوە.

لەو كۆبوونەوەیەدا سەرۆك بارزانی سوپاس و پێزانینی خۆی لە سەر ئەرك و ماندووبوونی ئەندامانی فراكسیۆنی پارتی لە خولی چوارەمی پەرلەمان كرد و جەختی لەوە كردەوە كە فراكسیۆنی پارتی لە خولی پێشووی پەرلەمان لە بارودۆخێكی هەستیار و دژواری سیاسیدا كاری خۆیان بە باشی ئەنجام داوە و ماندووبوونیان جێگای پێزانینە.

هەر لەو كۆبوونەوەیەدا سەرۆك بارزانی تیشکی خستە سەر پڕۆسەی سیاسی كوردستان و ویستی پارتی دیموكراتی كوردستان بۆ هەنگاونان بەرەو كوردستانێكی بەهێز شی كردەوە. لە بەشێكی دیكەی ئەو دانیشتنەدا سەرۆك بارزانی بۆچوونی خۆی لەمەڕ گفتوگۆ و پەیوەندییەكانی نێوان هەولێر و بەغدا بۆ ئامادەبووان خستەڕوو.