ووردەکاری نوێ سەبارەت بە هێرشەکانی ئیسرائیل بۆسەر بنکە نهێنییە مووشەکییەکانی ئێران لە ناوچەکانی ڕۆژهەڵاتی کوردستان

پەیامی کورد    ...   ووردەکاری نوێ سەبارەت بە هێرشەکانی ئیسرائیل بۆسەر بنکە نهێنییە مووشەکییەکانی ئێران لە ناوچەکانی ڕۆژهەڵاتی کوردستان

به پێی ڕاپۆرتێک بەرەبەیانی یەکشەممە ڕێکەوتی ١٦ی جانیوەری ، هاووڵاتی ٥٠ پارێزگای ئێران لەوانە پارێزگاکانی ورمێ، سنە، کرماشان و هەمەدان، گوێبیستی دەنگە هەرە بەرزەکانی تەقینەوە ترسهێنەرەکان بوون.

بەرپرسانی کۆماری ئیسلامی ئێران سەرەتا وەکوو هەمیشە لەوبارەیەوە بێدەنگیان هەڵبژارد و پاشانیش ڕایانگەیاند دەنگی هەورە بروسکە بووە. بەڵام دواتر نهێنی ئەو تەقینەوەیە بڵاو کرایەوە.

سەرەتا ، هۆکاری دەنگەکانی تەقینەوەکان لە شارەکانی سنە و کرماشان ڕایگەێندرا کە : بەرەبەیانی یەکشەممە ڕێکەوتی ١٦ی جانیوەری ، فڕۆکەگەلی شەڕکەری  نەناسراو لەسەر ئاسمانی ئێران وەدەر کەوتن و هاوکات تونێلە مووشەکییەکانی سوپای پاسدارانیان لە ناوچەی سەلاسی باوەجانی و چەن شوێنی ستراتیژی دیکەی شارەکانی کرماشان و هەمەدانیان تەقاندووەتەوە و پاشان ئاسمانی ئێرانیان بە جێهێشتووە .

پاش ئەم هێرشە، لە کاتێکدا کە هیچ شەڕکەرێک لە ئاسماندا نەبووە، سیستەمی بەرگری ئاسمانی کۆماری ئیسلامی ئێران، بێ ئامانج و هەڕەمەکی دەستی بە تەقاندنەوە کردووە.

بە پێی هەواڵەکانی پێشوو ، بەرەبەیانی ڕۆژی یەکشەممە ڕێکەوتی ١٦ی جانیوەری ٢٠٢٢، ٩ مووشەکی سوپای پاسداران هەڵکەوتوو لە ملە ئەسەدئابادی هەمەدان تەقێنراوە و لانیکەم ٥ پاسدار کوژرا.

سوپای پاسداران تووشی شۆک بوون و هۆکاری تەقینەوەکە بۆیان دیاری نەبووە.

لە ڕاپۆرتێکی نهێنی کە بۆ ڕابەری باڵای ئێران عەلی خامنەیی نێردراوە باسیان لە ئەگەری سیخوڕ و تێکدەری ناوخۆیی کردووە و باسیان لەوە کردووە سوپا خەریکی لێکۆڵینەوە لەبارەی بابەتەکەدایە.

لە نوێترین لێکۆڵینەوەکان و بەپێی سەرچاوە ناوخۆییەکان لە نا خودی سوپای سوپای پاسداران ەوە ، ئاشکرا دەبێت ، پاش هێرشەکانی " ۲ هێرش، یەکەمیان هێرش بۆ  پارێزگاکانی کرماشان و سنە و دووەمیان بۆ هەمەدان " "کۆگای مووشەکی تەنابەنده"ش لە ئەسەدئابادی هەمەدان بەتەواوی خاپوور کراوە.

کەوایە هێرشەکانی بەرەبەیانی یەکشەممە، هێرشی هاوکات بەدوو خاڵی ستراتیژی ئێرانە کە خەسارێکی یەکجار زۆر و گورزێکی بەهێزی لە سوپای پاسداران وەشاندووە.

لە هێرش بۆ کۆگای مووشەکی تەنابەندەی هەمەدان، ئەگەری هاوکاری هێزە ئێرانییەکان زۆرە و دیارە ئیسرائیل بە ئاسانی دزەی کردۆتە نێوانیان. بەڵام هێرش بۆ کرماشان و سنە لەڕێگەی شەڕکەرە ئاسمانییەکان ڕووی داوە.