سەرۆکی فەڵەستین: پێویستە دەستبەجێ ئیسرائیل هێرشەکانی بۆسەر گەلی فەڵەستین رابگرێت
پەیامی کورد.... سەرۆکی فەڵەستین: پێویستە دەستبەجێ ئیسرائیل هێرشەکانی بۆسەر گەلی فەڵەستین رابگرێت
مەحمود عەباس بێبەریبوونی خۆی لە شەڕی نێوان بزوتنەوەی حەماس و سوپای ئیسرائیل راگەیاند و ئاشکرایکرد، حەماس نوێنەرایەتی خەڵکی فەڵەستین ناکات.
لەمبارەیەوە مەحمود عەباس سەرۆکی فەڵەستین لە میانەی پەیوەندییەکی تەلەفۆنیدا کە لەگەڵ نیکۆلاس مادور سەرۆککۆماری فەنزوێلا ئەنجامیدا رایگەیاند:" بزوتنەوەی حەماس نوێنەرایەتی گەلی فەڵەستین ناکات".
ئەوەشی وتوە:" ئیدانەی کوشتنی هاوڵاتییانی سڤیل دەکەین لەلایەن هەردوو حەماس و سوپای ئیسرائیلەوە، داواش دەکەم بە زووترینکات بەندکراوەکان لەلایەن هەردوولاوە ئازادبکرێن".
ئاماژەی بەوەشكرد:" پێویستە دەستبەجێ ئیسرائیل هێرشەکانی بۆسەر گەلی فەڵەستین رابگرێت و رێگە بدات رێڕەوە مرۆییەکان بکرێنەوە بە رووی ئەو هاوکارییانەدا کە بۆ کەرتی غەزە دابینکراون".
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە