ترامپ : ئێران دەبێت دانووستان بکات یان ڕووبەڕووی لێکەوتەی سەخت ببێتەوە

پەیامی کورد   ...  ترامپ : ئێران دەبێت دانووستان بکات یان ڕووبەڕووی لێکەوتەی سەخت ببێتەوە 

دۆناڵد ترامپ، سەرۆکی ئەمریکا، ڕۆژی هەینی ٨ی خاكەلێوە لە وتووێژێکدا لەگەڵ ڕۆژنامەنووسان ڕایگەیاند، دۆخی ئێران یەکێکە لە کارە لەپێشینەکانی ئەو و بە ووردی چاودێری پێشهاتەکانی پەیوەست بەو ووڵاتە دەکات.

ناوبراو لەو لێدوانانەدا ئاماژەی بە نامەیەک کرد کە پێشتر بۆ عەلی خامنەیی ناردبووی و ووتی : لەو نامەیەدا بە ڕوونی نووسی بووم کە ئێران دەبێت هەڵیبژێرێت؛ "یان بێتە سەر مێزی دانووستان و کێشەکان چارەسەر بکەین، یان ڕووبەڕووی دەرئەنجامە زۆر خراپەکان ببنەوە، کە من بە شەخسی هیوادارم ڕوونەدات. " 
ترامپ لە دووپاتکردنەوەی هەڵوێستی خۆی کە پێی باشترە چارەسەری دیپلۆماسی بێت، ڕایگەیاند: "من بەدوای ڕێککەوتن لەگەڵ ئێرانم، نەک لە سەری لاوازی و نە لە سەری دەسەڵاتی زیاد، بەڵكوو وەک بژاردەیەکی لۆژیکی." "بەڵام ئەگەر ئێران ئەم ڕێگایە هەڵنەبژێرێت، دەرئەنجامەکانی بۆ ئەم ووڵاتە زۆر تووند دەبن."