داعش هەبوونی خۆی لە ووڵاتێکی نوێ ڕاگەیاند

پەیامی کورد  ...   گرووپی تیرۆریستی داعش بە شکستی خۆی لە ووڵاتانی سووریا و عێراق بە شوێن ناوەندێکی دیکەدا دەگەڕێن بۆ کاروبارەکانیان ئەویش ئەم جارە لە ووڵاتانی ئەفریقیایە .

بە پێی ڕاپۆرتێک ، گرووپی تیرۆریستی داعش بۆ یەکەمین جار لە کۆماری دیموکراتیکی کۆنگۆ هێرشێکی تیرۆریستی ڕێک خستبوو .

بە پێی هەواڵەکان ئەم هێرشە تیرۆریستییە لە گوندی " کۆمانگۆ " لە نزیکی سنووری کۆنگۆ و ئۆگاندا ڕوویدا کە ٨ سەربازی ئەم ووڵاتە بەم هۆکارە کوژران .

داعش هاوکات لەگەڵ یەکەمین هێرشی تیرۆریستی خۆی لە کۆنگۆ لە درووست کردنی شاخەیەک بە ناوی " ویلایەتی ناوەندی ئەفریقیا " ئیالەتی ئەفریقیای ناوەندی " ڕایگەیاند .

فلیکس تشیسکیدا " سەرۆککۆماری کۆنگۆ پێشتر هەواڵی دابوو کە بە پێی پێش بێنییەکانی داعش لە دوای شکست لە سووریا و عێراق ، هەوڵگەڵێکی بە مەبەستی بە هێزکردنی ئامادەیی خۆی لە دوورگەی ئەفریقیا ئەنجام دەدات .