مەسروور بازانی لەگەڵ باڵیۆزی ئاڵمانیا لە عێراق کۆبووەوە

پەیامی کورد    ...    ئەمڕۆ دووشەممە 2019/10/28 مەسرور بارزانی سەرۆکی حکومەتی هەرێمی کوردستان پێشوازی ئۆلە دیل باڵیۆزی ئاڵمانیا لە عێراق کرد.

لە دیدارەکەدا کە باربارا ڤۆلف کونسوڵی گشتی ئاڵمانیا لە هەولێر ئامادەی بوو. بارودۆخی عیراق و ناوچەکە تاوتوێ کرا.

سەرۆکی حکومەتی هەرێمی کوردستان سوپاسی پەرلەمان و حکومەتی ئاڵمانیای کرد بۆ درێژکردنەوەی ماوەی ئەفسەرانی ئاڵمانیا لە هەرێمی کوردستان بۆ درێژەدان بە راهێنان بە هێزی پێشمەرگەی کوردستان .
لە بارەی دۆخی ئێستای عێراقیش ئاماژەی بەوەدا کە لەگەڵ داخوازیی ئاشتیخوازانە و رەوای خۆپیشاندەرانین . لە هەمانکاتدا پشتگیرییش لە هەنگاوە چاکسازییەکانی سەرۆک وەزیرانی عێراق عادل عەبدولمەهدی دەکەین .
هەردوولا هاوڕابوون لە سەر ئەوەی پێویستە کۆمەڵگەی نێودەوڵەتی هاوکاری حکومەتی هەرێمی کوردستان بکات بۆ لە خۆگرتنی ئەو پەنابەرانەی بە هۆی  دۆخی گرژی ناوچەکە روو لە هەرێمی کوردستان دەکەن.