مەسروور بارزانی سەرۆکی حکوومەتی هەرێمی کوردستان پێشوازی لە سەرۆکی هاوپەیمانی نیشتمانی سووریا دەکات
پەیامی کورد ... مەسروور بارزانی سەرۆکی حکوومەتی هەرێمی کوردستان پێشوازی لە سەرۆکی هاوپەیمانی نیشتمانی سووریا دەکات
ئەمڕۆ پێنجشەممە 2021/3/4 مەسروور بارزانی سەرۆکی حکومەتی هەرێمی کوردستان، پێشوازی لە نەسر حەریری سەرۆکی هاوپەیمانی نیشتمانی سووریا و شاندێکی یاوەری کرد.
لە دیدارەکەدا دوا پەرەسەندنەکانی بارودۆخی سیاسی سووریا و ناوچەکە و هەوڵەکانی چارەسەرکردنی کێشەکانی سوریا تاووتوێ کرا.
سەرۆکی هاوپەیمانی نیشتمانی سووریا، سوپاسی هەڵوێستی دۆستانەی هەرێمی کوردستانی کرد بەرامبەر گەلی سوریا و داخوازییە ڕەواکانی، بە تایبەتی میوانداریکردنی سەدان هەزار پەنابەری سووری لە هەرێمی کوردستان، کە سەرەڕای دۆخی سەختی ئابووری، پێشوازی لە پەنابەران کردووە و هاوکاری کردوون.
سەرۆکی حکوومەت ئاماژەی بەوەدا کە هەرێمی کوردستان، پشتیوانی لە هەموو هەوڵێک دەکات بۆ چارەسەرکردنی کێشەکانی سووریا بە شێوەیەکی ئاشتیانە و بە ئاراستەی سەقامگیربوونی ئاشتی و ئارامی لە ناوچەکە و دابینکردنی مافی گشت پێکهاتە و گەلانی سووریا لە نێوێشیاندا مسۆگەرکردنی داخوازییە ڕەواکانی گەلی کورد لەو ووڵاتەدا.
سەرۆکی حکوومەت، نیگەرانیی خۆشی بەرامبەر ئەو پێشێلکارییانە دەربڕی کە لە عەفرین ڕوویانداوە و هیوای خواست کە ڕێگریان لێ بکرێت.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە