ئەمریکا هۆشداریدا بە تورکیا سەبارەت بە مووشەکی S400

سەرۆكی لێژنەی كاروباری دەرەوەی پەرلەمانی توركیا ڕایگەیاند، ئەمریكا بە توركیای ڕاگەیاندووە، ئەگەر سیستمی موشەكی S 400 لە ڕووسیا وەربگرن، ئەوانیش فڕۆكەی F 35 نافرۆشن بە توركیا.

بەپێی رۆژنامەی " حوڕییەتی تورکی  "، بۆ كەمكردنەوی ئاڵوزی نێوان هەردوو وڵات شاندێكی پەرلەمانی توركیا بە سەرۆكایەتی  ڤۆڵكان بۆزكیر، هەفتەی رابردوو لەگەڵ كۆنگرێسی ویلایەتە یەكگرتووەكانی ئەمریكا كۆبووەتەوە.

ڤوڵكان بۆزكیر ڕایگەیاند، "رێككەوتنی S 400 واژۆ كراوە، بەڵام ئەگەر رێككەوتنی پاتریۆت سەربگرێت ئەوا تاوتوێی دەكەین".

سەرۆكی لێژنەی كاروباری دەرەوەی پەرلەمانی توركیا ئاماژەی بەوەشكرد، لەم هەفتەیەدا شاندێكی ئەمریكا بۆ تاوتوێكردنی سیستمی پاتریۆت سەردانی توركیا دەكەن.