لە هێرشی ئاسمانی ئیسرائیل بۆ سەر سوپای پاسدارانی ئێران لانیکەم ١٠ ئەندامی ئەو گرووپە کوژرا

پەیامی کورد     ...    لە هێرشی ئاسمانی ئیسرائیل بۆ سەر سوپای پاسدارانی ئێران لانیکەم ١٠ ئەندامی ئەو گرووپە کوژرا .

هێرشی ئاسمانی فڕۆکە شەڕکەرەکانی ئیسرائیل بۆ سەر یەکەگەلی سەر بە ئێران لە ناوچەی بووکەمال لە ڕۆژهەڵاتی سووریا ئەنجام درا .

بە پێی ڕاپۆرتێک لە العربیە ، ڕۆژی یەکشەممە لاینکەم ١٠ هێزی سەربازی سەر بە ئێران لەگەڵ هێزەکانی دەوڵەتی سووریا لە دەرئەنجامی هێرشی ئاسمانی ئیسرائیل لە ناوچەی بووکەمال لە ڕۆژهەڵاتی سووریا لە نزیکی سنووری عێراق کوژران .

لە سەرەتای بەیانی ئەمڕۆ یەکشەممە ، هێزی ئاسمانی ئیسرائیل هێرشی لە ڕۆژ‌هەلاتی سووریا ئەنجامدا ، پێشتریش چەندین هێرشی بۆ سەر سەر بنکە و پایەگاکانی هێزەکانی شیعە ی لایەنگری ئێران لە هەمان ناوچە لە نزیکی سنوورەکانی عێراق ئەنجامداوە . بە ووتەی کەناڵی تەلەفزیۆنی الحدث ، لەم هێرشەدا لانیکەم شەش سەربازی شیعە کوژراون .

بە ووتەی الحدث ، پێستریش ڕۆژی شەممە ، سەردار ئیسماعیل قائانی فەرماندەی نوێی هیزە تایبەتییەکانی قودسی سوپای پاسدارانی ئێران ، لە شوێنی جێگیر بوونی ئەم گرووپانە لە ڕۆژ‌هەڵاتی سووریا سەردانی کردبوو .