ژمارەی قوربانیانی کۆرۆنا لە ئیسپانیا بەرزتر دەبێتەوە

پەیامی کورد    ...  ژمارەی قوربانیانی کۆرۆنا لە ئیسپانیا بەرزتر دەبێتەوە .

كه‌ناڵی فه‌رمی ئیسپانیا بڵاویكرده‌وه‌، حه‌وت كه‌سی دیكه‌ به‌هۆی ڤیرووسی كۆرۆناوه‌ له‌ئیسپانیا گیانیانله‌ده‌ستدا، به‌وه‌ش ژماره‌ی گیانله‌ده‌ستدان به‌هۆی ئه‌و ڤایرۆسه‌وه‌ گه‌یشته‌ 17 كه‌س.
كه‌ناڵی فه‌رمی ئیسپانیا له‌هه‌واڵێكدا بڵاویكرده‌وه‌، له‌ماوه‌ی ٢٤ كاتژمێری رابردوودا حه‌وت كه‌سی دیكه‌ گیانیان له‌ ده‌ستداوه‌ كه‌ سێ كه‌سیان ئافره‌تن و ته‌مه‌نیان (٩٢، ٨٨، ٨٧) ساڵانن و له‌هه‌رێمی بلاك باسك"ی باكوری ئیسپانیا نیشته‌جێن، چوار كه‌سه‌كه‌ی دیكه‌ش ته‌مه‌نیان له‌سه‌رووی ٨٧ ساڵه‌وه‌ن و له‌شاری "سرقسته‌"ی هه‌رێمی ئه‌راگۆن-ی باكووری رۆژئاوای ئه‌و ووڵاته‌ نیشته‌جێن.
ئه‌وه‌شی ئاشكراكردوه‌، ژماره‌ی ئه‌و كه‌سانه‌ی به‌ ڤیرووسی كۆرۆنا، گیانیان له‌ ده‌ستداوه‌ گه‌یشتوه‌ته‌ ١٧ كه‌س، هه‌روه‌ها ٥٨٩ حاڵه‌تی تووشبوونیش به‌و ڤیرووسه‌ تۆماركراوه‌، كه‌ سه‌رجه‌میان له‌هه‌ریه‌ك له‌هه‌رێمه‌كانی بلاك باسك، لاریووخا، كه‌ته‌لۆنیا، ئه‌نده‌لۆس-ن.