ئەمریکا ناسنامەی سەربازە کوژراوەکانی خۆی لە شاری مێنبەج بڵاو کردەوە

پەیامی کورد  ...  وەزارەتی بەرگری ئەمریكا ناسنامەی سێ سەربازە کوژراوەکەی تەقینەوە خۆكوژیەكەی هەفتەی رابردوی ئاشكراكرد كە لە مەنبج-ی باكوری سوریا لەلایەن چەكدارانی رێكخراوی داعش-ەوە ئەنجامدرا.

بەپێی هەواڵی ئاژانسی ڕۆیتەرز ، وەزارەتی بەرگری ئەمریكا لە ڕاگەێندراوێکدا ناسنامە و پلەی سێ سەرباز لەو سەربازانەی بڵاوكردوەتەوە كە لە تەقینەوە خۆكوژییەكەی ڕۆژی چوارشەممەی سوریادا كوژراون.

لە ڕاگەیاندنەكەدا هاتوە ، سەربازێكی سەر بە هێزی دەریایی ئەمریكی و سەربازێكی پێشوتری هێزی تایبەتی دەریایی ئەمریكی لەناو چوار سەربازە كوژراوەكەی تەقینەوەكەی چوارشەممەی ڕابردودان.

بەڵام ناوی سەربازی چوارەم ئاشكرا نەكراوە كە خانەنشین بووە و لە یەكێك لە كەرتە تایبەتەكاندا كاری كردووە.

ئەو هێرشە خۆكوژییە نزیکەی مانگێك دوای بڕیاری لە ناكاوی دۆناڵد ترامپ سەرۆكی ئەمریكا دێت بۆ پاشەكشەپێكردنی هێزەكانی لە سووریا کە ڕایگەیاندبوو، داعش کۆتایی پێهاتووە.