کەنەدا هێرشەکەی سەر پارێزگای هەولێر شەرمەزار دەکات

پەیامی کورد     ...   کەنەدا هێرشەکەی سەر پارێزگای هەولێر شەرمەزار دەکات

به‌رپرسی نووسینگه‌ی نوێنه‌رایه‌تی كه‌نه‌دا له‌ هه‌رێمی كوردستان، هه‌ڵوێستی خۆی له‌ باره‌ی په‌لاماره‌ مووشه‌كییه‌كه‌ی شه‌وی رابردووی هه‌ولێر ده‌بڕی و رایده‌گه‌ێنێت ، ئیدانەی هێرشە مووشەکییەکەی شەوی رابردوو ده‌كات.

ئاشلی دوورێك، به‌رپرسی نووسینگه‌ی نوێنه‌رایه‌تی كه‌نه‌دا له‌ هه‌ولێر، وێڕای ئیدانه‌كردنی په‌لاماره‌ مووشه‌كییه‌كه‌، پشتیوانی ووڵاته‌كه‌شی بۆ خه‌ڵكی كوردستان دووپات ده‌كاته‌وه‌ و پشتیگیریش له‌ هه‌وڵه‌كانی حكوومه‌تی هه‌رێمی كوردستان و عێراق ده‌كات، بۆ لێكۆڵینه‌وه‌ له‌م هێرشه‌ ترسنۆكانه‌یه‌.

به‌رپرسی نووسینگه‌ی نوێنه‌رایه‌تی كه‌نه‌دا له‌ هه‌ژماری خۆی له‌ تویته‌ر نووسیویه‌تی: "ئیدانەی هێرشە مووشەکییەکەی شەوی رابردوو دەکەین بۆ سەر هەولێر، کە بووە هۆی کوژرانی کەسێك و برینداربوونی چەند کەسێکی دیکە. كه‌نه‌دا پاڵپشتی خەڵکی کوردستانە و پشتگیری لە هەوڵەکانی حکوومەتی هەرێمی کوردستان و حکوومەتی عێراق دەکات بۆ لێکۆڵینەوە لەم هێرشە ترسنۆکانەیە".