تێکهەڵچوونەکەی ئەرمینیا و ئازەربایجان ڕوسیا و تورکیای هێنایە دەنگ

پەیامی کورد … تێکهەڵچوونەکەی ئەرمینیا و ئازەربایجان ڕوسیا و تورکیای هێنایە دەنگ

وەزارەتی دەرەوەی روسیا داوای لەهەریەک  وڵاتانی لەئازەربایجان و ئەرمینیا کرد بەپەلە هێرش و توندوتیژییەکانیان لەناوچەی قەرەباغ راگرن.

بەپێی هەواڵێکی ئاژانسی روسیا تودەی، وەزارەتی دەرەوەی روسیا  ئەمڕؤ یەکشەممە ٢٧ی ئەیلوول ڕاگەیەندراوێکی بڵاو کردەوە و داوای لەهەریەک لەئازەربایجان و ئەرمینیا کرد بەپەلە هێرش و توندوتیژییەکانیان لەناوچەی قەرەباغ راگرن. 

روسیا داواشی لەلایەنە بەشەڕهاتوەکانی ئەو ناوچەیە کردوە، دەست بەگفتوگۆ و دانوستانەکان بکەنەوە لەپێناوی سەقامگیریی ناوچەکە.

سەرلەبەیانی ئەمڕۆ وەزارەتی بەرگری ئازەربایجان رایگەیاند، هێزەکانی ئەرمینیا هێرشیان کردۆتە سەر ناوچەکانی دانیشتوان لەکاراباغ و بەهۆیەوە چەند هاوڵاتییەکی مەدەنی کوژراون.

بەگوێرەی راگەیەنراوی وەزارەتی بەرگری ئەرمینیاش ئەوان دەستپێشخەر نەبون و قەرەباغ دەکەن ئامانجی هێرشی ئاسمانی و موشەکی.

لەلایەکی دیکەوە، ئیبراهیم کاڵن وتەبێژی سەرۆکایەتی تورکیا پشتیوانی خۆی بۆ ئازەربایجان دەربڕی و رایگەیاند، کوشتنی هاوڵاتیانی مەدەنی پێشێلکاری نێودەوڵەتییە.