قوباد تاڵەبانی پەیامێک سەبارەت بە چاکسازی لە کەرتی تەندرووستی بەتایبەت لە بواری دەرمان ڕادەگەێنێت

جێگری سەرۆكی ئەنجوومەنی وەزیران، وەزارەتی تەندرووستی و لایەنە پەیوەندیدارەكانی راسپارد، كار لەسەر بەگەڕخستنی سیستەمی بیمەی تەندرووستی بكەن، لەپێناو باشتر خزمەتكردنی هاووڵاتیان و چاكسازیش بكەن لەو كەرتەدا. 
ئەمڕۆ دووشەممە ٣٠ی ئابی ٢٠٢١، قوباد تاڵەبانی، جێگری سەرۆكی ئەنجومەنی وەزیران لەهەولێر، بەئامادەبوونی وەزیرانی دارایی و ئابووری وپلاندانان و تەندرووستی، كۆبوونەوەیەكی تایبەتی سەبارەت بەڕێكخستنەوەی سیستەمی تەندروستی لەهەرێمی كوردستان ئەنجامدا.
لەكۆبوونەوەكەدا كە سەرۆكی دیوانی ئەنجوومەنی وەزیران و سەرۆكی فەرمانگەی هەماهەنگی و بەدواداچوون و ووتەبێژی حكوومەت ئامادەی بوون، پلانەكانی وەزارەتی تەندروستی خرایەڕوو لەبارەی پەرەپێدان و باشتركردنی كەرتی تەندرووستی و بەگەڕخستنی سیستەمی بیمەی تەندرووستی لەهەرێمی كوردستان.
لەكۆبوونەوەكەدا وەزیری تەندرووستی راپۆرتێكی خستەڕوو لەبارەی كارو پلانەكانی وەزارەت بۆ چاكسازی و چۆنییەتی باشتر خزمەتكردنی هاووڵاتیان و بەگەڕخستنی سیستەمی بیمەی تەندروووستی بەشێوازێك كە خزمەتی تەندرووستی باشتر پێشكەش بەهاووڵاتیان بكرێت.
قوباد تاڵەبانی جەختی كردەوە كە دەبێت چاكسازی بكرێت لەكەرتی تەندرووستی بەتایبەت لەبواری دەرماندا، بۆ ئەو مەبەستەش وەزارەتی تەندرووستی و لایەنە پەیوەندیدارەكانی راسپارد كاری پەلەی لەسەر بكەن، ووتیشی: دەبێت هاوسەنگی و كێبڕكێ هەبێت لەنێوان كەرتی گشتی و كەرتی تایبەتی تەندرووستی بەشێوازێك كە هاووڵاتیان تێیدا سوودمەند بن.