جۆ بایدن پیرۆزبایی جێژنی قوربانی لە موسڵمانان کرد

پەیامی کورد … جۆ بایدن پیرۆزبایی جێژنی قوربانی لە موسڵمانان کرد

سه‌رۆكی ئه‌مریكا، جۆ بایدن و جێڵ'ی هاوسه‌ری له‌ په‌یامێكدا هاتنه‌وه‌ی جه‌ژنی قوربانییان له‌ موسڵمانان پیرۆز كرد.

كۆشكی سپی رایگه‌یاند بایدن له‌ په‌یامه‌كه‌یدا ئاماژه‌ی به‌وه‌ داوه‌ كه‌ به‌ڕێوه‌چوونی جه‌ژن و رێوڕه‌سمی به‌ڕێوه‌چوونی حه‌ج له‌ كاتێكدا به‌ره‌نگاربوونه‌وه‌ی ڤایرۆسی كۆرۆنای نوێ به‌رده‌وامه‌ واتای تایبه‌ت له‌خۆ ده‌گرێ و ئاماژه‌ی به‌ه‌وه‌ داوه‌ كه‌ گه‌لی ئه‌مریكا زیاتر له‌ ٥٠٠ هه‌زار ڤاكسینی به‌ وڵاتی جیهان به‌خشیووه‌ كه‌ وڵاتی موسڵمانیشی له‌نێودان و پێویستییان به‌ ڤاكسینه‌.

له‌ په‌یامه‌كه‌ی سه‌رۆكی ئه‌مریكا هاتووه‌: "من و جێڵ له‌ ناخی دڵمانه‌وه‌ سڵاو بۆ ئه‌وانه‌ ده‌نێرین كه‌ له‌ هه‌ر كوێیه‌كی ئه‌م جیهانه‌ جه‌ژنی قوربان پیرۆز ده‌كه‌ن. به‌ناوی گه‌لی ئه‌مریكاوه‌ هیواخوازم جه‌ژنێكی خۆش و ئارام به‌سه‌ر ببات. جه‌ژنی قوربانتان پیرۆز بێت".