بابەتی زۆر گرینگ ... بۆچی زەریف بەشداربوو لە مەراسیمی بە خاک سپاردنی جەلال تاڵەبانی ؟؟؟

پەیامی کورد ... وەزیری کارو باری دەرەوەی ئێران لە پەرلەمانی شەورای ئیسلامی دا سەبارەت بە بەشداری کردنی لە مەراسیمی بە خاک سپاردنی جەلال تاڵەبانی ، سەرۆکی کۆچکردووی یەکیتی و سەرۆککۆماری پێشووی عێراق ،  لە کوردستانی عێراقدا ، ڕایگەیاند :

بە پێی ڕاپۆرتێک ، محەمەد جەواد زەریف ، وەزیری کاروباری دەرەوەی ئێران ، لە کۆبوونەوەی کراوەی ڕۆژی یەکشەممە ٢ی ٠٩/٢٠١٨ لە ووڵامی پرسیاری قازی پوور و مەحبووب ، نوێنەرانی پارێزگای ئۆرمیە و تاران لە پەرلەمان سەبارەت بەوەی کە ئەو بۆچی لە مەراسیمی بە خاک سپاردنی تاڵەبانی ، لە حاڵێکدا ئاڵای هەرێمی کوردستانی لە سەر تابووتەکەی بووە ، بەشداری کردووە ؟ ڕایگەیاند : بڕیار بۆ بەشداری کردن لە مەراسیمی بە خاک سپاردنی کۆچکردوو تاڵەبانی لە بەرزتری ئاست و لە سەر بڕیاری شەورای باڵای ئەمنیەتی نەتەوەیی گیرابوو و هەروەها پەسەند کراوی گشتی هەموو هاوڕێیان لە هێزە چەکدارەکان، هێزی سوپای قودس و وەزارەتی کاروباری دەرەوەش بووە .

 هەروەها زەریف ڕایگەیاند : پێویست بوو کە من بە نوێنەرایەتی لە لایەن کۆماری ئیسلامی ئێرانەوە لە مەراسیمی بە خاک سپاردنی بەڕێز تاڵەبانی بەشداری بکەم . هەروەها بە هەبوونی بەرچاوی کۆماری ئیسلامی ئێران و بەو پێشوازییە بەرفراوانەی کە لە کۆماری ئیسلامی کرا نیشانیدا کە پێگەی کۆماری ئیسلامی ئێران لە عێراق و بە تایبەتی لە کوردستانی عێراقدا لە چ ئاستێکدایە .

هەروەها ووتی : ئەم بابەتە نیشانیدا کە کۆماری ئیسلامی ئێران ، هاوڕێیانی خۆی لە دەوڵەتی عێراق لە کاتی شەڕ لەگەڵ ڕژیمی " صدام حسین " هیچ کاتێک لە بیر ناکات .  

زەریف هەروەها ئاماژەی بەوە کرد : لەم مەراسیمەدا من لە لای سەرۆککۆماری عێراق بووم . هەروەها زۆربەی نوێنەرانی عێراق و بەرپرسانی فراکسیۆنەکانی پەرلەمانی ئەو ووڵاتە بوونیان هەبوو و لە پێگە و شوێنی دیکە دانیشتبوون ، ڕێژەیەکی زۆر کەم لە نوێنەرانی عێراقی بە هۆی هەبوونی کێشەی ناوخۆیی خۆیان بوونیان نەبوو ، بەڵام بەرپرسانی کورسییە سەرەکییەکانی پەرلەمانی عێراق ، لەوانەش حەکیم لەم مەراسیمەدا بەشدار بوو و کەسێکێش لاری نەبوو .
لە بەردەوامی قسەکانیدا ووتی : بەڵام لە بەڕێوە بردنی مەراسیمەکەدا هاوکارەکانی بەڕێز بارزانی ئەم هەلەی بە پێچەوانەوە قۆستەوەو بە پێچەوانەی ڕێکەوتنێک کە پێشتر لەگەڵ دەوڵەتی عێراقدا هەیان بوو ، لە جێگەی ئاڵای عێراق ، ئاڵای کوردستانیان بۆ سەر تابووتەکەی تاڵەبانی بەکار هێنا کە بوو بە مایەی سەرسووڕمان ، بەڵام لەم حاڵەشدا کەسێک شوێنەکەی بەجێ نەهێشت ، لە مەراسیمی پێشکەش کردنی تاجە گوڵینەدا ، هەروەها کە هەموو لایەنەکان بینییان ، من تەنیا کەسێک بووم کە سەری خۆم لە بەرامبەر بە جەنازەکەدا شۆڕ نەکرد ، بەڵام هەموو ئەوانی دیکە بە شێوازێکی دیکە مەراسیمەکەیان بەڕی کرد .

زەریف هەروەها ئاماژەی گرینگی بەمەدا کە : هەموو لایەک دەزانن ئەم مەراسیمە لە کاتێکدا بەڕێوە چوو کە نزیک بوو لە دەستپێکردنی ڕێفراندۆم ، ئەمەش نیشانیدا سەرەڕای دژایەتی کۆماری ئیسلامی ئێران لەگەڵ ئەو هەڵە سیاسییەی ئاغای بارزانی ، پەیوەندی ئێمە لەگەڵ خەڵکی کورد لە عێراق کە خووشک و برای ئێمەن ، پەیوەندییەکی زۆر بەهێز و مێژووییە و هەروەهاش بەردەوام دەبێت .