رێکەوتنی پێشمەرگە و هێزی عێراقی لە سەر چەند خاڵێکی گرینگ

پەیامی کورد  ...   جێگری بەرپرسی میحوەری ڕۆژئاوای دیجلە ڕایگەیاند، ئەوان و هێزە عێراقییەكان لەسەر هاوئاهەنگی و دابینكردنی ئاسایشی ڕۆژئاوای دیجلە، رێككەوتوون.

هاشم سیتەیی ، جێگری بەرپرسی میحوەری ڕۆژئاوای دیجلە ڕایگەیاند : "لە رێگای بارەگای سەربازی سەرۆك بارزانی لە سحێلا، سەرۆكی هۆز و كەسایەتییەكانی عەرەب و كورد، چەندین داواكارییان گەیاندە سەرۆك بارزانی، سەرۆكیش بەڵێنی پێ دان هەموو ئەو داواكارییانە جێبەجێ بكات و كاریش بۆ پاراستنی خەڵكی ئەو ناوچە بكرێت، وەك چۆن پێشتریش هاوكاریی خەڵكی ئەو سنوورانەی كردووە".

سیتەیی دەشڵێ، هەر بە هەوڵی سەرۆك بارزانی، رێگای سحێلا و زوممار كرایەوە و ئەمەش دەبێتە هۆكارێك بۆ ئەوەی جموجۆڵ و هاتووچۆ لەو ناوچەیەدا زیاتر بێت.

گوتیشی: "ئێمە و فیرقەی ١٥ی هێزە عێراقییەكان، دەربارەی چەندین خاڵی سەربازی و پەیوەست بە ژیانی خەڵكی ناوچەكە رێككەوتووین، یەكەم هەنگاویش كردنەوەی رێگای سحێلا و زوممار بوو، دواتریش هاوئاهەنگی دەكەین بۆ ڕووبەڕووبوونەوەی جموجۆڵی داعش و پڕكردنەوەی هەر بۆشاییەكی ئەمنی لەم ناوچەیەدا هەبێت".