لە مەهاباد هاووڵاتییەک دەستبەسەر کرا

پەیامی کورد … لە مەهاباد هاووڵاتییەک دەستبەسەر کرا

هاووڵاتییەکی خەڵکی مەهاباد لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.

بەگوێرەی ڕاپۆرتی گەیشتوو بە ڕێکخراوی مافی مرڤی هەنگاو، ڕۆژی یەکشەممە ١ی ئابی ٢٠٢١، ، هێزە ئەمنییەکانی مەهاباد لە گوندی “ئەگریقاش” هاووڵاتییەکیان بە ناوی “هێمن قەرەداغی دەستبەسەر کرد.

بە وتەی سەرچاوەیەکی ئاگادار هێزە ئەمنییەکان بەبێ پیشاندانی بەڵگەی دادوەری هێمن قەرەداغییان داوەتە بەر لێدان و کوتان و لە کاتێکدا لەسەر دووکانەکەی سەرقاڵی ئیش بووە دەستبەسەریان کردووە.

هەتا کاتی بڵاو کردنەوەی ئەم هەواڵە، هۆ یان هۆکارەکانی دەستبەسەر کرانی هێمن قەرەداغی و ئەو تۆمەتانی کە خراونەتە پاڵ ناوبراو نەزانراوە.