پووتین: دژی ئەوە نین ئۆکراینا ببێتە ئەندام لە یەکێتی ئەورووپا

پەیامی کورد... پووتین: دژی ئەوە نین ئۆکراینا ببێتە ئەندام لە یەکێتی ئەورووپا

سەرۆکی ڕووسیا لە بارەی پرسی ئەندامێتی ئۆکراینا لە یەکێتی ئەورووپا، ڕایگەیاند: "یەکێتی ئەورووپا، وەک ناتۆ، ڕێکخراوێکی سەربازیی نییە، وەک هەمیشە گوتوومە هەڵوێستمان لەم بارەیەوە زۆر ڕوون و ئاشکرایە، ڕووسیا دژایەتی ئەمە ناکات".

سەرۆکی ڕووسیا، ڤلادیمیر پووتین، لە میانەی بەشداری کردنی لە ٢٥مین کۆڕبەندی ئابووری نێودەوڵەتی سانت پێترێسبورگ، باسی لە ئابووری جیهان و بەرەوپێشچوونە سیاسییەکان کرد.

سەرۆکی ڕووسیا، باسی لەوەش کرد کە کۆمەڵێک دەنگۆ هەن دەربارەی ئەوەی کە ڕووسیا هەڕەشەی بەکارهێنانی چەکی ئەتۆمی دەکات.

گوتیشی: "ئەم بانگەشانە لە زاری سیاسەتمەدارە نابەرپرسەکان و بەرپرسە باڵاکانیشەوە بیستراوە، ئێمە بێدەنگ نابین و وەڵامیان دەدەینەوە، هەر کاتێکیش وەڵامیان بدەینەوە ڕاستەوخۆ دەڵێن "ڕووسیا هەڕەشە دەکات" ئێمە هەڕەشەی بەکارهێنانی چەکی ئەتۆمی لە کەس ناکەین.