لە گۆڕەپانی تەحریری بەغدا هەزاران فەرمانبەر دەستیان بە خۆپێشاندان كرد

پەیامی کورد... لە گۆڕەپانی تەحریری بەغدا هەزاران فەرمانبەر دەستیان بە خۆپێشاندان كرد


ئەمڕۆ سێشەممە 9ی 5ی 2023، لە گۆڕەپانی تەحریری بەغدا، هەزاران فەرمانبەر دەستیان بە خۆپێشاندان كرد و هێزێكی زۆری ئەمنییش بڵاو كراونەتەوە.

دوێنێ دەستەكانی هاوبەندیی فەرمانبەرانی عێراق داوایان لە فەرمانبەران كرد، ڕۆژی سێشەممە 9ی 5ی 2023 خۆپێشاندان بەڕێوە ببەن بۆ ئەوەی مووچەكانیان زیاد بكرێت و چەند جارێكی تریش بۆ ئەو مەبەستە لە بەغدا و پارێزگاكانی تری عێراق خۆپێشاندانیان كردووە.


لە خۆپێشاندانەكەدا فەرمانبەران داوای ئەوە دەكەن كە یەكسانی دروست بێت لە نێوان مووچەی فەرانبەران و پلەباڵاكاندا و داوای ئەوە دەكەن كە جیاوازیی مووچە ئەوەندە نەمێنێت لە نێوان وەزارەتێك بۆ وەزارەتێكی تردا.