ده‌سه‌ڵاتی فڕۆكه‌وانی عێراق لەبارەی راگرتنی گه‌شته‌كانی كوه‌یت رونكردنه‌وه‌ ده‌دات

پەیامی کورد … ده‌سه‌ڵاتی فڕۆكه‌وانی عێراق لەبارەی راگرتنی گه‌شته‌كانی كوه‌یت رونكردنه‌وه‌ ده‌دات

ده‌سه‌ڵاتی فڕۆكه‌وانی عێراق ڕایگه‌یاند: هیچ ئاماژه‌ و راسپارده‌یه‌كیان له‌لایه‌ن هێڵی ئاسمانی كوه‌یتیه‌وه‌ به‌ده‌ست نه‌گیه‌شتوه‌ بۆ راگرتن و هه‌ڵپه‌ساردنی گه‌شته‌كانیان بۆ عێراق.

له‌ڕاگه‌یه‌ندراوێكدا ده‌سه‌ڵاتی فڕۆكه‌وانی مه‌ده‌نی روونیدەكاتەوە: گه‌شته‌ ئاسمانییه‌كانی كوه‌یت بۆ عێراق سنورداركراون و هه‌فتانه‌ گه‌شتێك یاخود دو گه‌شت بۆ فڕۆكه‌خانه‌ی نێوده‌وڵه‌تی نه‌جه‌ف ئه‌نجامده‌درێت، ئه‌و وڵاته‌ گه‌شتی فڕۆكه‌خانه‌كانی دیكه‌ی عێراقیان نییه‌ به‌تایبه‌تیش بۆ فڕۆكه‌خانه‌ی نێوده‌وڵه‌تی به‌غدا.

ئاماژە بۆ ئەوەشكراوە: ده‌سه‌ڵاتی فڕۆكه‌وانی مه‌ده‌نی تا ئێستا هیچ ئاماژه‌ و راسپارده‌یه‌كیان له‌ هێڵی ئاسمانی كوه‌یته‌وه‌ به‌ده‌ست نه‌گه‌یشتوه‌ بۆ راگرتن و هه‌ڵپه‌ساردنی گه‌شته‌كانی بۆ عێراق، تا ئێستا هیچ شتێك له‌باره‌ی راگرتنی گەشتەكانه‌وه‌ نییه‌.

ئه‌مڕۆ به‌شێك له‌میدیاكان بڵاوكرایەە، هێڵی ئاسمانی کوەیت بڕیاریدا بەشێوەیەکی کاتی سەرجەم گەشتە ئاسمانییەکانی بۆ عێراق رابگرێت.