سعودیە داوا دەکات کە جیهان ڕێکاری توندتر بەرانبەر ئێران بگرێتە بەر

پەیامی کورد ... سعودیە داوا دەکات کە جیهان ڕێکاری توندتر بەرانبەر ئێران بگرێتە بەر

پادشای سعودیە داوای لە کۆمەڵگای نێودەوڵەتی کرد لەبەرامبەر بەرنامە موشەکی و ئەتۆمیەکەی ئێران رێکاری توند بگرێتەبەر.

شا سەلمان بن عەبدولعەزیز پادشای سعودیە لە میانی پێشکەشکردنی وتارێکدا لە ئەنجومەنی باڵای راوێژکاریی وڵاتەکەی رایگەیاند، ریاز داوای لە کۆمەڵگای نێودەوڵەتی کردووە، کە هەڵوێستی توند و یەکلاکەرەوە لە دژی ئێران بگیرێتەبەر.

وتیشی، پێویستە ئەو هەڵوێستە بەجۆرێک بێت، کە رێگە بە ئێران نەدرێت پەرە بە بەرنامە ئەتۆمی و موشەکیەکەی بدات و چیتر نەتوانێت ببێتە مەترسی بۆ سەر ئاسایش و سەقامگیری رۆژهەڵاتی ناوەڕاست.