ڕاگەێندراوێک لە فراکسیۆنی پارتی یەوە لە پەرلەمانی عێراق

پەیامی کورد   ...   ڕاگەێندراوێک لە فراکسیۆنی پارتی یەوە لە پەرلەمانی عێراق

فراکسیۆنی پارتی دیموکراتی کوردستان لە پەرلەمانی عێراق ڕاگەێندراوێک بڵاو دەکاتەوە و تێیدا ووڵامی ئەو پەرلەمانتارانە دەداتەوە ئەوانەی ئیمزایان کۆکردووەتەوە، بە ئاشکرا ھەرێمی کوردستان بە ئامانج دەگرن و تێیدا مەبەستیانە مووچە و قووتی ھاووڵاتییانی ببڕدرێت.

شەممە، ٢٥ـی کانوونی دووەمی ٢٠٢٥، فراکسیۆنی پارتی دیموکراتی کوردستان لە پەرلەمانی عێراق ڕاگەێندراوێکی بڵاو کردەوە و تێیدا وەڵامی "ئەوەی ناونراوە بە کۆکردنەوەی ئیمزای پەرلەمانتارانی ناوەڕاست و باشووری عێراق" لەسەر مافەکانی گەلی کوردستان داوەتەوە و جەخت دەکاتەوە، ئەو ھەوڵە بۆ بە ئامانجگرتنی ھەرێمی کوردستان و و مووچە و قووتی ھاووڵاتییانییەتی.

فراکسیۆنی پارتی لە پەرلەمانی عێراق ڕوونیشی کردووەتەوە، دۆخی خراپی پارێزگاکانی ناوەڕاست و باشووری عێراق تەواو پێچەوانەی ئەو ھەوڵەیە کە ھەرێمی کوردستان بە ئامانج دەگرێت، لەو کاتەی ھاووڵاتییانی پارێزگاکانی ناوەڕاست و باشووری عێراق لە سادەترین و سەرەتایی ترین بنەما و پێکھاتەکانی ژیانێکی ڕێزلێگیراو و خزمەتگوزارییە گشتییەکانی وەکوو ڕێگەوبان و نەخۆشخانە و ئەوانی دیکە بێبەشن. لە کاتێکدا تەنیا ڕێژەی نزیکەی ٦.٥%ـی بوودجەی گشتی فیدراڵی بۆ ھەرێمی کوردستان ڕەوانە دەکرێت و ڕێژەی ٩٣.٥%ـی ئەو بوودجەیە بۆ پارێزگاکانی ناوەڕاست و باشووری عێراق خەرج دەکرێت، جێی پرسیارە بوترێت، لە چی بەکار دەھێنرێت و خەرج دەکرێت؟

فراکسیۆنی پارتی لە پەرلەمانی عێراق، دەڵێت، واقیعی پارێزگاکانی ناوەڕاست و خوارووی عێراق و ئەو بوودجەی بۆ ئەو پارێزگایانە دەڕوات، لە خۆیدا بەڵگەکانی ئەو گرووپە ڕەت دەکاتەوە و پووچەڵ دەکاتەوە، کە بە ناوی ھاووڵاتییانی ناوچەکەیان بانگەشەی بۆ دەکەن، لە کاتێکدا لە دوایین ھەڵبژاردنی ئەنجوومەنی پارێزگاکاندا دەرکەوت کە تەنیا ڕێژەی ٢٠%ـی ھاووڵاتییانی ئەو ناوچانە بەشدارییان لە پرۆسەکەدا کرد و ئەم گرووپە تەنیا ڕێژەی ٤%ـی دەنگەکانی بە دەست ھێناوە. 

فراکسیۆنی پارتی دەشڵێت: ئێوە ھەرێمی کوردستان بە بەشێک لە عێراق نازانن، کەچی وازیشی لێ ناھێنن، بەڵام دەبێت بزانن ھەرگیز بە پێشکەوتن و گەشەسەندنی ھەرێمی کوردستان ناگەن. جەخت لەوەش دەکاتەوە، ئێوە لەوە دەترسن لە ناوچەکانی دیکەی عێراق بژین، بۆیە ماڵەکانتان گواستووەتەوە ھەرێمی کوردستان و لەوێ دەژین، بەڵام ئێرەی بینایی لێ بڕیووین. 

لە ڕاگەێندراوەکەدا ھاتووە، ھەرێمی کوردستان ھەرێمی بەپێی دەستوور، ھەرێمێکی فیدراڵییە و مافی ئەوەتان نییە دەستوەردان لە کاروباری دا بکەن و ڕێگەشتان پێ نادەین ئەو کارە بکەین، چونکە ئێوە سەر بە کۆمەڵەیەکی ڕق لەدڵ و شۆڤێنین و مافی نوێنەرایەتیکردنی گەلی عێراقتان نییە. ئەگەر بە ڕاستی ئێوە خەمی کوردستانتانە بۆچی دژی قەرەبووکردنەوەی قوربانیانی ئەنفالن، ئەوانەی بە عەقڵێکی ھاوشێوەی ئەوەی ئێوە شەھیدبوون.