گریان زۆر سودی باشی هەیە

گریان کارێکی ئاساییە لای هەموو مرۆڤێک، بەتایبەتی لای ئافرەتان، چونکە ئەوان هەستیان ناسکترە لە پیاو کە زۆر جار بە قسە و یان بینینی شتێک خۆیان پێ ناگیریت و دەست بە گریان دەکەن کە هەندێ جاریش دەزانن کە ئەوە تەنیا فلیمە یان راست نییە.

پزیشکەکانی بواری مۆخ و جوملەی عەسەبی دەڵێن گریان سودی زۆری هەیە بۆ مرۆڤ و بەتایبەتیش هەریەک لەمانەی خوارەوە.

- دەرکردنی مادەی ژەهراوی لەش، بە گریان چاوت لە خۆڵ و دوکەڵ و پیسی ژینگە کە توشی ناو چاوت بووە پاک دەبێتەوە و بەرگریشی لێ دەکات کە توشی نەخۆشی نەبیت، رشتنی فرمێسک چاو بەهێز تر دەکات لە دڵە ڕاوکێ و ژەهراوی بونی چاو.

- گریان یارمەتی باری دەرونی دەدات، لەکاتی دڵ تەنگیدا بە گریان دڵت باشتر دەبێت و پزیشکەکانیش ئەوەیان پشت ڕاست کردووەتەوە کە گریان یارمەتی کۆئەندامی عەسەبی دەدات و وا دەکات کە جەستە لە بارێکی دەرونی باشدا بێت.

- گریان دڵت خۆش دەکات، لە ساڵی 2008دا توێژینەوەیەکیان لە زانکۆی فلۆریدا کرد لەسەر گریان، لە ئەنجامدا بۆیان دەرکەوت کە گریان هێورکەرەوەیەکی زۆر باشە بۆ جەستە و هێز و تواناشت پێ دەبەخشێت و دژی دڵ تەنگی و خەمۆکیە.

- گریان بەرگریە دژی زۆر نەخۆشی، گریان وەکو چارەسەری زۆری نەخۆشییەکان ناو دەبرێت، چونکە دوای گریان باری دەرونیت زۆر باشتر دەبێت پێش ئەوەی بگیریت و دەبێتە هۆی بەتاڵ کردنەوەی بارگاوی خەم و ئازار کە زۆر نەخۆشی لە سترێس و دڵە ڕاوکی مرۆڤ توشی دەبن.

- پاراستنی چاو، کاتێک پیازێک پاک دەکەیت، فرمێسک بە چاوەکانتدا دێتە خوارەوە و ئەو تۆز و خۆڵە کە دەکەونە نێو چاوتەوە بە گریان هەموو دیوی ژورەوەی چاوتیش پاک دەکاتەوە و لە نەخۆشی دەیانپارێزێت.

- زۆر جار گریان دەبێتە هۆکاری ئەوەی کە کێشەیەکی گەورە چارەسەر بێت و چونکە گریانی مرۆڤ کاریگەری زۆری هەیە لەلای کەسی بەرامبەر و دەبێتە هۆی ئاشت بونەوەو زۆر جار کێشەکان چارەسەر دەکات.