چۆمان/ هاووڵاتییەک بە هۆی تەقینەوەی مین گیانی لە دەست دا

پەیامی کورد ... چۆمان/ هاووڵاتییەک بە هۆی تەقینەوەی مین گیانی لە دەست دا

وتەبێژی بەرگری شارستانی سۆران رایگەیاند، کاتژمێر ٨ی شەوی رابردوو، ئاگادارکراونەتەوە لەوەی هاوڵاتییەک لە ماڵەوە چووەتەوە دەرەوە و مۆبایلی داخراوە و دیارنەماوە.

باسی لەوەشکردووە، پاش گەڕان و پشکنین لە کاتژمێر ١٠:٣٠ خولەکی شەودا، تەرمی ئەو هاوڵاتییە لەبناری هەڵگورد لە چیای بەردەقوچان دۆزراوەتەوە و دەشڵێت، ئەو کەسە بەھۆی تەقینەوەی مینێکەوە گیانی لەدەستداوە.

ئەوەشی خستووەتەڕوو، هاوڵاتییەکە ناوی (ن، س، م)ـە و تەمەنی لە نێوان (٤٥ـ٤۷) ساڵدابووە و خەڵکی گوندی ناوەندی سەر بە قەزای چۆمان بووە.

ئاماژەی بەوەشكردووە، تەرمی ئەو هاوڵاتییە بۆ راپۆرتی توێکاری بۆ نەخوشخانەی چۆمان گواستراوەتەوە و دواتریش رادەستی کەسوکارەکەی کراوەتەوە.