پەنس : ئێران سەرەکیترین پاڵپشتی تێرۆریزمی جیهانە

پەیامی کورد  ...  جێگری سەرۆککۆماری ئەمریکا ، مایک پەنس ، ئێرانی بە سەرەکیترین پاڵپشتی تێرۆریزم لە جیهاندا ناو برد .

بە پێی ڕاپۆرتێک ، مایک پەنس ، جێگری سەرۆککۆماری ئەمریکا لە کۆنفرانسی ئەمنییەتی میونشن ڕایگەیاند : ئێمە هەوڵگەلێکی زۆر جیددیمان بۆ بەرەنگاربوونەوە لەگەڵ گەورەترین هەڕەشەی ئاشتی و ئەمنییەت لە ڕۆژهەلاتی ناوەڕاستدا ، کە کۆماری ئیسلامی ئێرانە و پاڵپشتی سەرەکی تێرۆریزمە لە جیهاندا ئەنجام داوە .

پەنس ، هەروەها ئێرانی بە هەناردە کردنی مووشەک و پەرەپێدان بە ئاڵۆزییەکان لە سووریا و یەمەن و هەروەها بەرنامەڕێژی بۆ هێرشی تێرۆریستی لە ئەورووپا تاوانبار کرد و ئاماژەی کرد کە ئێران ئاشکرا لە ئامادەبوون بۆ لە ناوبردنی ئیسرائیل قسە دەکات .

تاران بارەهای بار ئەم ووتانەی بەرپرسانی ئەمریکای ڕەت کردووەتەوە و ڕایگەیاندووە کە ئامادەبوونی هێزەکانی دەرەوە لەوانەش ئەمریکا دەبێتە هۆی ناسەقامی دۆخەکە لە ڕۆژهەڵاتی ناوەڕاستدا . هەروەها جەختی کردەوە کە ئەمریکا لە تێرۆریستەکان لە سووریا و یەمەن پاڵپشتی دەکات .