نوێنەری تایبەتی سکرتێری گشتی نەتەوەیەکگرتووەکان پەیامێک بڵاو دەکاتەوە

پەیامی کورد     ...   نوێنەری تایبەتی سکرتێری گشتی نەتەوەیەکگرتووەکان پەیامێک بڵاو دەکاتەوە

نوێنەری تایبەتی سکرتێری گشتی نەتەوە یەکگرتوەکان له‌ په‌یامێكی كۆتایی ساڵی ٢٠٢١ دا رایگه‌یاند، ئەگەرچی چەندان کێشە و گرفت هێشتا لەبەردەم عێراقدا ماوە، بەڵام زۆر گرینگە کە ئەو دەستکەوتانەی تا ئێستا بەدەستهاتون لەبەرچاو بگیرێن و بەهیواوە بڕواننە دەرفەتەکانی ساڵی تازە.
جێنین هێنیس-پلاسخارت، نوێنەری تایبەتی سکرتێری گشتی نەتەوە یەکگرتوەکان ئه‌مڕۆ چوارشه‌ممه‌ له‌ په‌یامێكدا رایگه‌یاند، "ساڵی ٢٠٢١ ساڵێکی پڕبایەخ بو بۆ عێراق، ئەگەرچی چەندان کێشە و گرفت هێشتا لەبەردەم ووڵاتەکەدا ماوە، بەڵام زۆر گرنگە کە ئەو دەستکەوتانەی تا ئێستا بەدەست هاتون لەبەرچاوبگیرێن و بەهیواوە بڕوانینە دەرفەتەکانی ساڵی تازە".

ئاماژه‌ی به‌وه‌شكردوه‌، نەتەوە یەکگرتوەکان بەردەوام شان بە شانی عێراق وەستاوە لە ڕابردودا و بەردەوامیش دەبێت لە داهاتودا بۆ پاڵپشتیکردنی هەوڵەکانی ووڵاتەکە بۆ پەرەپێدان و خۆشگوزەرانی.
له‌ په‌یامه‌كه‌یدا پلاسخارت ده‌ڵێت، "لەجیاتی هەموو خێزانی نەتەوە یەکگرتوەکان، هیوای سەری شاڵێکی شاد و هەروەها هیوای ئاشتی و تەندرووستی و دڵخۆشی لە ٢٠٢٢ دا بۆ هەموو عێراقییەکان دەخوازم".