ڕێگەی ڕاگواستنی چەک وچۆڵی ئێرانی لە سووریا لە لایەن ئیسڕائیل ەوە بەئامانج گیرا
پەیامی کورد ... ڕێگەی ڕاگواستنی چەک وچۆڵی ئێرانی لە سووریا لە لایەن ئیسڕائیل ەوە بەئامانج گیرا
سووریا هێرشە ئاسمانییەکانی ئیسرائیلی بۆ ڕۆژاوای ئەم ووڵاتە و سنووری لوبنان ڕاگەیاند؛ هاوکات ئەرتەشی ئیسرائیل ڕایگەیاند کە ڕێگەی گواستنەوەی چەک و چۆڵی ئێرانی لە سووریا کردووەتە ئامانج.
هەواڵدەری دەوڵەتی سووریا (سانا) ئێوارەی ڕۆژی دووشەممە ٥ی سەرماوەز بڵاوی کردەوە، هێرشە ئاسمانییەکانی ئیسرائیل بۆ سەر ناوچەکانی قسەیر لە پارێزگای حومس دوو برینداری لێکەوتەوە و چەند پردێکی خاپوور کردووە.
لەلایەکی دیکەوە چاوەدێری مافەکانی مرۆڤی سووریا ژمارەی قوربانییانی ئەم هێرشەی بە دوو کوژراو و پێنج بریندار ڕاگەیاند و ئەوانی بە ئەندامی حیزبۆڵڵای لوبنان ناو برد.
بەپێی ئەو ڕێکخراوە لە هێرشە ئاسمانییەکان ئێوارەی ڕۆژی دووشەممە بە گشتی شەش پرد و دەروازەی سنووری جۆسیە کراونەتە ئامانج.
هاوکات ئەرتەشی ئیسرائیل هێرشە ئاسمانییەکانی چەند حەفتەی ڕابردووی بۆ سەر سووریا پشتڕاست کردەوە و ڕایگەیاند، ئەو ڕێگایانەیان کردووتە ئامانج کە حیزبۆڵڵا بۆ گواستنەوەی چەکی ئێرانی بۆ نێو لوبنان بەکار دەهێنن.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە