شاروەندێک لە ئێستەنبوڵ لە ماوەی ساڵێکدا ٤٥٠٠٠ جار پەیوەندی بە پۆلیسەوە کردووە

یەکێک لە نیشتەجێ بوانی شاری ئێستەنبوڵ لە ماوەی ساڵێکدا ٤٥ هەزار جار پەیوەندی بە پۆلیسەوە کردووە

بە پێی ڕاپۆرتێک لە دەیلی سەباح ، پیاوێک لە شاری ئێستەنبوڵی تورکیا دوای ئەوەی کە لە هاوسەرەکەی جیا بووەوە بە هۆی ئەوەی کە هیچ کەسێکی نەبووە کە قسەی لەگەڵدا بکا پەیوەندی تەلەفۆنی بە پۆلیسەوە دەکرد .

ئەم پیاوە هەموو ڕۆژێک لە مانگی مەی ساڵی ٢٠١٧ تاکوو مەی ساڵی ٢٠١٨ زیاتر لە ١٢٠ جار تەلەفۆنی بۆ دایرەی پۆلیس دەکرد و داوای لێیان دەکرد کە قسەی لەگەڵدا بکەن . سەرەڕای ئەمەش بەرپرسانی ئاسایش هەستیان بە ئەو نەدەکرد ، تاکوو وای لێهات پەیوەندییەکانی بەردەوامی ئەم پیاوە بوو بە هۆی ئەوەی کە ئەوان نەتوانن کارەکانی خۆیان بە باشی ڕاپەڕێنن .

 لە ماوەی کاتی لێپرسینەوە لەم کەسە ٥٥ ساڵانە ، سەبارەت بە هۆی ئەوەی کە ئاڵۆزی و کێشەکەی پرسیار کرا و دەرکەوت کە دوای جیابوونەوە لە ژنەکەی ، ئەو تەنیا خواردوویەتیەوە و پەیوەندی بە پۆلیسەوە کردووە ، لە بەر ئەوەی کە ئەم پیاوە بێ کەس بووە وکەسی نەبووە کە قسەی لەگەڵدا بکا ، هەروەها ئەو تاوانەکەی خۆی قەبووڵ کرد و بڕیاریدا کە جارێکی دیکە ئەم کارە دووبارە نەکاتەوە .

ئەمە لە حاڵێکدایە کە لەوانەیە بە هۆی ئاڵۆز کردن و نانەوەی کێشە لە کاروبارو ئەرکی پۆلیسدا ، تاکوو ٥ ساڵ بە زیندان حوکم بدرێت