حکوومەتی هەرێمی کوردستان و نوێنەرانی کورد لە بەغدا لە شاری هەولێر لە کۆبونەوەدان

پەیامی کورد    ...    حکومەتی هەرێمی کوردستان و نوێنەرانی کورد لە بەغدا لە شاری هەولێر لە کۆبونەوەدان و لەبارەی کێشەکانی نێوان هەرێمی کوردستان و بەغدا گفتوگۆ دەکەن.
رێبوار كەریم، ئەندامی كورد لە پەرلەمانی رایگەیاند، "بابەتی سەرەكی كۆبوونەوەكە تایبەتە بە پشکی هەرێمی کوردستان لە بودجەی 2020 و گفتوگۆكانی نێوان هەرێم و بەغدا لەو بارەیەوە، چوونكە بڕیارە رۆژی 15ی تشرینی یەكەم ئەنجومەنی نوێنەرانی عێراق گفتوگۆكانی لەسەر پرۆژە یاسای بوودجەی 2020ی عێراق دەستپێبكات".
ئاماژەی بەوەشکرد، هەرئەمڕۆ نوێنەرانی کورد لە پەرلەمان عێراق و ئەندامانی کوردی لیژنەی دارایی لەگەڵ رێواز فایەق، سەرۆكی پەرلەمانی كوردستان و جێگرەكەی كۆدەبنەوە.

رێبوار كەریم هەروەها وتیشی، هەردوو كۆبوونەوەكە لەسەر داوای سەرۆكایەتی حكومەتی هەرێمی كوردستان و سەرۆكایەتی پەرلەمانی كوردستان بوە.
حکومەتی هەرێمی کوردستان و حکومەتی عێراق لەمساڵدا گفتوگۆکانیان بۆ چارەسەرکردنی کێشەکانی وەک، بوودجە، پێشمەرگە و ناوچە کێشەلەسەرەکان خستوەتەگەڕ و تا ئێستاش چەند کۆبونەوەیەکیان لەوبارەیەوە ئەنجامداوە.

٢٥ی مانگی تەموزی ئەمساڵ ، شاندی باڵای هەرێمی کوردستان بە سەرۆکایەتی مەسروور بارزانی، سەرۆکی حکومەت و شاندی باڵای حکومەتی عێراق بەسەرۆکایەتی فوئاد حسێن، جێگری سەرۆک وەزیران بۆ کاروباری ووزە کۆبوونەوە، ئەوەش دوای ئەوەی شاندی باڵای هەرێمی کوردستان لەگەڵ عادل عەبدۆلمەهدی، سەرۆک وەزیرانی عێراق کۆبوونەوە.