توێژینەوەیەک لەبارەی کاریگەری ڤاکسینی فایزر لەسەر منداڵان نهێنییەک ئاشکرا دەکات

پەیامی کورد... توێژینەوەیەک لەبارەی کاریگەری ڤاکسینی فایزر لەسەر منداڵان نهێنییەک ئاشکرا دەکات

کۆمپانیای فایزر-بایۆنتێک ڕایانگەیاند، کوتانی منداڵانی تەمەن ٦ مانگ تا خوار تەمەن ٥ ساڵان بە سێ ژەم لە ڤاکسینی فایزر بەرگری لەشیان بۆ ٨٠٪ بەرز دەکاتەوە و کاریگەرییەکی ئەرێنیش لەسەر دروستکردنی دژە تەنەکان بۆ ڕووبەڕوو بوونەوەی ڤایرۆسی کۆرۆنا و هاوشێوەکانی جێ دەهێڵێت، چونکە ئەو منداڵانەی لەو تەمەنەدان لە تەواوی ئەمریکادا تاکن کە تا ئێستا ڤاکسینیان وەرنەگرتبێت.

بەپێی تۆڕی هەواڵی CNBC، توێژەرانی سەر بە کۆمپانیای فایزر-بایۆنتێک لە نوێترین توێژینەوەی کرداری خۆیدا ڕایگەیاندوە، پێدانی سێ ژەم لە ڤاکسینی فایزر کاریگەرییەکی ئێجگار زۆر لەسەر منداڵانی نێوان تەمەن ٦ مانگ بۆ خوار ٥ ساڵان جێ دەهێڵێت

باس لەوەش کراوە، کوتانی منداڵانی تەمەن ٦ مانگ تا خوار تەمەن ٥ ساڵان بە سێ ژەم لە ڤاکسینی فایزر، بەرگری لەشیان بۆ ٨٠٪ بەرز دەکاتەوە و کاریگەری ئەرێنیش لەسەر دروستکردنی دژە تەنەکان بۆ ڕووبەڕوو بوونەوەی ڤایرۆسی کۆرۆنا و هاوشێوەکانی جێ دەهێڵێت.

لە لایەکی خۆشیەوە، ئەڵبرت بروڵا، بەڕێوەبەری جێبەجێکاری کۆمپانیای فایزر ئاشکرای کردووە، لێکۆڵینەوە و توێژینەوەکانیان لەسەر بنەمای تاقیکردنەوەی ڤاکسینەکەیان لەسەر هەزار ٦٧٨ منداڵ بنیات ناوە کە تەمەنیان لەنێوان ٦ مانگ بۆ خوار تەمەن ٥ ساڵاندا بوە، کاریگەرییەکی خێرا و بەرچاویشی لەسەر کردە وەڵام دەرەوەکانی جەستەیان دژ بە ڤایرۆسی کۆرۆنا و هاوشێوەکانی هەبووە.

لە لایەکی دیکەشەوە، هەر دوو کۆمپانیاکە بە شێوەیەکی فەرمی بڕی ٣-میکرۆگرامیان بۆ کوتانی منداڵانی تەمەن ٦ مانگ تا خوار تەمەن ٥ ساڵان دیاریکردوە، لە تاقیکردنەوە کردارییەکانیشیاندا کاریگەرییە ئەرێنییەکانی ڤاکسینەکە لەسەر بەرگری جەستەی ئەو منداڵانە دەرکەوتوە.

ئاشکراشیان کردووە، لە کاتی پێدانی ژەمی یەکەم و دووم ی ڤاکسینەکەدا، وەڵامدانەوە جەستەیییەکانی جەستەی ئەو منداڵانە تەنیا ٣٠ بۆ ٤٠٪ توانیویەتی بەرگری دژ بە ڤایرۆسی کۆرۆنا و هاوشێوەکانی پەیدا بکات و لەگەڵ پێدانی ژەمی سێیەمدا کاریگەرییەکان بۆ ئاستێکی زۆر بەرز بووەتەوە و چاوەڕێش دەکەن کاریگەرییە ئەرێنییەکان بۆ دوو هێندە بەرز ببێتەوە.